Bugun “Mikrokreditbank” ATB xalqaro moliya bozori yoʻnalishida yana bir katta yutuqqa erishdi. Germaniyaning yetakchi moliyaviy institutlaridan biri — ODDO BHF SE banki bilan 30 million Yevro miqdorida Hamkorlik kelishuvi (Framework Agreement) imzolandi.
Mazkur kelishuv orqali “Mikrokreditbank” ATB Oʻzbekistondagi tadbirkorlik subyektlariga — Germaniya va boshqa Yevropa davlatlaridan zamonaviy uskunalar, texnologiyalar va xizmatlarni xarid qilish uchun qulay moliyalashtirish imkoniyatlarini taqdim etadi.
Kelishuv natijasida bank mijozlari quyidagi afzalliklarga ega boʻladi:
Uzoq muddatli va qulay shartlarda moliyalashtirish;
Germaniya va Yevropa davlatlaridan ilgʻor texnologiyalar importi uchun moliyaviy koʻmak;
Eksport kredit agentliklari kafolati orqali xavfsiz va ishonchli moliyalashtirish;
Xalqaro tajribaga mos va zamonaviy moliyaviy yechimlar;
“Mikrokreditbank” ATB xalqaro moliyaviy hamkorlikni rivojlantirish, xorijiy investitsiyalarni jalb qilish va mijozlar uchun yangi imkoniyatlar yaratishda izchil faoliyat olib bormoqda.
Bank Axborot xizmati
Yana ko‘ring
Inson xotira bilan tirik, qadr bilan ulugʻ!
Bugun MKBANKda 9-may — Xotira va qadrlash kuni munosabati bilan madaniy-maʼrifiy tadbir oʻtkazildi.
