Davlatimiz rahbarining 2025-yil 2-fevraldagi “Oliy taʼlim tashkilotlari bitiruvchilarining ishga joylashishiga koʻmaklashish boʻyicha qoʻshimcha chora-tadbirlar toʻgʻrisida”gi Qarorida yoshlarning bandligini taʼminlash, ularning mehnat bozoriga integratsiyasini kuchaytirish, shuningdek, xususiy sektor va tijorat banklari ishtirokida kadrlar tayyorlash jarayonini takomillashtirish boʻyicha aniq vazifalar belgilangan.
Joriy yilning 8-avgust kuni Prezidentimiz raisligida boʻlib oʻtgan kengaytirilgan yigʻilishda ham oliy taʼlim muassasalari bitiruvchilarining bandligini taʼminlash yuzasidan muhim koʻrsatmalar berildi.
Mazkur topshiriqlar ijrosini taʼminlash maqsadida “Mikrokreditbank” ATB tomonidan bitiruvchi yoshlarni ishga qabul qilish va ularni kasbiy tayyorgarlikka yoʻnaltirish boʻyicha amaliy ishlar olib borilmoqda.
Kuni kecha “Mikrokreditbank” ATB Xorazm viloyat hududiy boshqarmasida Urganch davlat universiteti Ijtimoiy-iqtisodiy fanlar fakulteti talabalari va bitiruvchilari uchun suhbat hamda test sinovlari tashkil etildi.
Onlayn tarzda oʻtkazilgan test sinovlarida 18 nafar bitiruvchilar ishtirok etdi. Saralab olingan 5 nafar yoshlar Mikrokreditbankning Xorazm viloyat hududiy boshqarmasi hamda shahar va tumanlardagi BXMlarda malaka oshirish imkoniyatiga ega boʻldilar.
Mikrokreditbank yosh mutaxassislarni qoʻllab-quvvatlash, ularning kasbiy rivojlanishi va bank sohasida munosib oʻrin egallashi uchun respublikamizning boshqa hududlarida ham bu kabi amaliy tadbirlarni ettiradi.
Bank Axborot xizmati
Yana ko‘ring
Bayram kunlaridagi ish tartibi!
