Mikrokreditbank xalqaro maydondagi hamkorlikni yanada mustahkamlash yoʻlida muhim tashabbusni amalga oshirdi. Joriy yilning 3-4-aprel kunlari Samarqand shahrida oʻtkazilgan "Markaziy Osiyo - Yevropa Ittifoqi" birinchi sammiti doirasida “Mikrokreditbank” ATB Yevropa Investitsiya Banki bilan memorandum imzoladi.
Ta'kidlash kerakki, Yevropa Investitsiya Banki bilan hamkorlik Mikrokreditbankning xalqaro maydondagi ishonchliligini oshirib, uni global investorlar uchun yanada jozibador moliyaviy institutga aylantiradi. Bu esa bank uchun yangi strategik sheriklik imkoniyatlarini ochadi.
Shuningdek, "Mikrokreditbank" ATB ushbu memorandum orqali ESG (Ekologik, Ijtimoiy va Korporativ boshqaruv) tamoyillariga muvofiq faoliyat yuritish borasidagi saʼy-harakatlarini kuchaytiradi. Bank tomonidan barqaror rivojlanishga qaratilgan moliyaviy mahsulotlar va xizmatlar taklif etilishi, mintaqadagi ekologik va ijtimoiy barqarorlikka ijobiy taʼsir koʻrsatishi kutilmoqda.
Memorandum Mikrokreditbank uchun Yevropa Ittifoqi hukumatlari va xalqaro donor tashkilotlari bilan hamkorlikda turli loyihalarni amalga oshirish imkonini taqdim etadi.
Bunday tashabbuslar bankning xalqaro hamkorlar bilan yanada yaqin ishlashiga, yangi moliyaviy dasturlarda ishtirok etishiga yoʻl ochadi.
Bank Axborot xizmati
Yana ko‘ring
MKBANK homiyligida ijtimoiy loyihalar quvvatlanmoqda
Xizmatlarning qulayligi va ommabopligini ta’minlash bilan birga, ijtimoiy loyihalarda ham faol qatnashmoqda.
Bank rahbariyati Buxoro viloyatida aholi hamda tadbirkorlar bilan uchrashuv oʻtkazdi
Mikrokreditbank rahbariyati ishtirokidagi bu kabi tadbirlar boshqa hududlarda ham davom ettmoqda
