Mikrokreditbankda PwC ishtirokida “Moliyaviy menejment va g'aznachilik funksiyalari (CFO & Treasury)” yo'nalishi xalqaro standartlar va ilg'or tajribalarga muvofiq transformatsiya qilindi.
“Mikrokreditbank” ATB “Big 4” ga kiruvchi xalqaro konsalting kompaniyalar bilan hamkorlikda bank faoliyatining barcha yo‘nalishlarini qamrab oladigan “Bankning 2025-yilgacha bo‘lgan rivojlantirish strategiyasi”ni ishlab chiqdi. Mazkur strategiya O‘zbekiston Respublikasi Prezidentining 2020-yil 12-maydagi “2020-2025-yillarda O‘zbekiston Respublikasining bank tizimini isloh qilish strategiyasi to‘g‘risida”gi PF-5992-son Farmonini amalga oshirish maqsadida amalga oshirilmoqda.
Strategiyaga ko‘ra, bankni o'zgartirishning asosiy yo'nalishlaridan biri – moliyaviy funksiyani rivojlantirish deya belgilandi. Ushbu loyihani amalga oshirish uchun konsalting xizmatlari bozorida jahon yetakchilaridan biri PwC kompaniyasi jalb qilingan.
Ma'lumot uchun: PwC – audit, soliq va konsalting xizmatlarini ko‘rsatuvchi xalqaro kompaniya hisoblanadi. Brend 160 yildan ortiq vaqtdan beri mavjud bo'lib, to'rtta eng yirik auditorlik kompaniyalardan biri hisoblanadi.
Konsultantlar bilan birgalikda bir yil davomida 50 dan ortiq ichki me’yoriy hujjatlar ishlab chiqildi, boshqaruv qarorlarini qabul qilish uchun hisobot shakllari yaratildi, shuningdek, bank xodimlari uchun o‘quv mashg‘ulotlari o‘tkazildi. Mazkur loyiha 6 bosqichdan iborat bo‘lib, joriy yilning iyul oyida asosiy ishlar muvaffaqiyatli yakunlandi.
Bugun esa bankimiz xodimlari o‘z bilim va tajribalari bilan bo‘lishishmoqda. Xususan, 4-avgust kuni “Ipak Yoʻli bank” va PwC konsalting kompaniyasi xodimlari bilan moliyaviy menejment va gʻaznachilik funksiyasini tashkil etish boʻyicha tajriba almashish maqsadida uchrashuv boʻlib oʻtdi.
Uchrashuvda “Mikrokreditbank” ATB mutaxassislari “Ipak yo‘li” bankidagi hamkasblari bilan quyidagi yo‘nalishlar bo‘yicha o‘z tajribalarini bo‘lishishdi.
- transfert narxlarini shakillantirish;
- zamonaviy byudjetlashtirish modeli;
- aktivlar va passivlarni boshqarish funksiyalarini ishlab chiqish;
- g'aznachilik funksiyasini rivojlantirish;
- BI vositalaridan foydalangan holda ko'p o'lchovli boshqaruv hisobotini shakllantirish va uni vizualizatsiya qilish.
Shuningdek, transfer stavkalari egri chizig‘ini (mahalliy bozorning o‘ziga xos xususiyatlarini hisobga olgan holda) hisoblash yondashuvlari, bank jarayonlarini avtomatlashtirish imkoniyatlari, yangi byudjet rejalashtirish formatlarining xususiyatlari muhokama qilindi. Mahsulotlar, biznes segmentlari, hududlar rentabelligi to'g'risidagi barcha zarur ma'lumotlarni tezkorlik bilan olish imkonini beruvchi ko'p tarmoqli boshqaruv hisobotining bank rahbariyati faoliyati uchun naqadar zarurligi alohida qayd etildi.
Bank Axborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
