MKB Pay — avtomatik qarz undirish tizimi 24/7 undiradigan aqlli platforma

MKB Pay — avtomatik qarz undirish tizimi
Kechiktirilgan kredit to'lovlarini inson aralashuvisiz, kuniga 24/7 undiradigan aqlli platforma.

MKB Pay bankning muddati o'tgan kredit qarzlarini avtomatik qoplaydigan zamonaviy yechim. Tizim har operatsion kun ochilishi bilan ABS (IABS)dan kechiktirilgan qarzdorlar ro'yxatini yuklab oladi va qarzdorning o'ziga qo'shimcha ravishda sherik-qarzdor hamda kafillarni ham qamrab oladi — shu bilan undirish qamrovi maksimal kengayadi.

Qanday ishlaydi
Har bir qarzdor, sherik-qarzdor va kafilning UzCard va HUMO kartalari ro'yxati shakllantiriladi va tizim ularning balansini to'xtovsiz kuzatib boradi. Kartada pul paydo bo'lishi bilanoq:

HUMO — 1 soniyada,
UzCard — 3–7 soniyada mablag' avtomatik yechib olinadi va qo'shimcha komissiya bilan bevosita bankning kredit hisob raqamiga o'tkaziladi. Kredit qarzi to'liq qoplanmaguncha jarayon uzluksiz davom etadi.

Asosiy imkoniyatlar
Aqlli balans nazorati (6 kategoriya) — kartalar xatti-harakati bo'yicha 6 toifaga ajratilib, har biri o'z chastotasida optimal tekshiriladi: keraksiz so'rovlar kamayadi, pul tushishi esa zudlik bilan ilg'ab olinadi.

Custom scoring — har bir kartaning balans tarixi tahlil qilinadi. Qachon va qaysi kartada pul tushish ehtimoli yuqori bo'lsa, tizim aynan o'shani ustuvor tekshiradi.

UzAsbo bilan integratsiya — davlat tashkilotlarida ishlovchi qarzdorlar aniqlanib, maosh tushadigan kunlarga alohida prioritet beriladi.

Push (webhook) integratsiyasi — UzCard va HUMO'dan keladigan real-vaqt push xabarlari orqali pul tushishi darhol qayd etiladi va bir zumda undiriladi.

24/7 uzluksiz ishlash — tizim tunu kun, dam olish kunlarisiz ishlaydi; ko'p nusxali (multi-instance) arxitektura tufayli yuklamaga chidamli va uzilishsiz.

Natija qo'lda telefon qilish yoki eslatmalarsiz — mablag' kartada paydo bo'lgan zahoti avtomatik undiriladi. Bu undirish tezligini soniyalar darajasiga tushiradi, xodimlar mehnatini tejaydi va kreditlar qaytishini sezilarli oshiradi.

E’tiborlisi, MKB Pay tizimi MKBANKning sun’iy intellekt va dasturiy ta’minot yo’nalishidagi mutaxassislari tomonidan ishlab chiqildi. Bu bankning ichki IT salohiyati va innovatsion yondashuvining yorqin namunasidir.

Bank Axborot xizmati