MKBANK xodimlari o‘rtasida “Mikrokreditbank” ATB tashkil etilganligining 20 yilligi munosabati bilan mini futbol bo‘yicha o‘tkazilgan “Boshqaruv raisi Kubogi‑2026” musobaqasi muvaffaqiyatli yakunlandi.
Bank rahbariyati va Kasaba uyushmasi tashabbusi bilan joriy yilning 25-aprel kuni start olgan o‘yinda 16 ta jamoa ishtirok etdi. Eng kuchli 8 ta jamoa pley-offga yo‘llanma oldi va g‘oliblik uchun kurashdi.
Final o‘yinini taniqli sport sharhlovchisi Mirzahakim To‘xmirzayev olib bordi.
Birinchi o‘rin uchun ham, ikkinchi o‘rin uchun ham bahslar juda qizg‘in o‘tdi va g‘oliblar penaltilar seriyasida aniqlandi.
Musobaqada shuningdek, “Eng yaxshi to‘purar”, “Eng yaxshi o‘yinchi” va “Eng yaxshi darvozabon”lar aniqlandi. Eng omadli muxlislar esa esdalik sovg‘alari bilan taqdirlanishdi.
Musobaqa yakunlariga ko‘ra:
1-o‘rin — Bosh ofis jamoasi
2-o‘rin — Namangan viloyat hududiy boshqarmasi jamoasi
3-o‘rin — Sirdaryo viloyat hududiy boshqarmasi jamoasiga nasib etdi va g‘oliblar qimmatbaho esdalik sovg‘alari bilan taqdirlandi.
Musobaqada xodimlar do‘stlik, tezkorlik, raqobat va jamoaviy irodaning kuchini ko‘rsatishdi.
Hayajonli, murosasiz va qizg‘in bahs yomg‘ir ostida o‘tgan bo‘lishiga qaramay musobaqa barcha jamoalarda unutilmas taassurot qoldirdi.
"Boshqaruv raisi Kubogi-2026" — bu imkoniyat, bu shijoat demakdir!
Bank Axborot xizmati
Yana ko‘ring
Quvada bog‘dorchilikning yangi davri: “Quva Agrostar” innovatsion tajribasi bilan tanishuv
