Oʻzbekiston Respublikasi Prezidentining “Mahallalarda tomorqalardan samarali foydalanishni tashkil etish orqali aholi bandligi va daromadlarini oshirishga qaratilgan ishlarni yanada jadallashtirish toʻgʻrisida”gi Farmoniga muvofiq, 2025-yil 11-martdan boshlab mamlakatimizda “Dolzarb bir oylik” safarbarligi eʼlon qilindi.
Mazkur farmon ijrosini taʼminlash maqsadida Mikrokreditbank tomonidan amaliy tashabbuslar jadallik bilan boshlab yuborildi. Jumladan, “Bir mahalla – bir mahsulot” hamda ijara yerlarida “Bir kontur – bir mahsulot” tamoyillari asosida serdaromad ekinlarni ekish, shuningdek, "Yashil makon" loyihasi doirasida bank homiyligida kam taʼminlangan oilalarga mevali daraxt koʻchatlarini yetkazib berish ishlari amalga oshirilmoqda.
Shu yoʻnalishdagi muhim tadbirlardan biri Buxoro viloyatida oʻtkazildi. Viloyatda qishloq xoʻjaligi mahsulotlari ishlab chiqarishni kengaytirish, aholining shaxsiy tomorqalaridan samarali foydalanishini taʼminlash maqsadida 380 ta xonadonga 10 ming tup gilos, shaftoli, oʻrik va olxoʻri kabi mevali daraxt koʻchatlari tarqatildi.
Bank Axborot xizmati
Yana ko‘ring
Dam olish kunlari ham ishlaymiz!
Korrupsiya haqida xabar ber, adolat uchun kurash!
Jim turish – bu illatga ijozat berishdir.
