Bugun mamlakatimizning chekka va olis hududlari aholisiga qulay shart-sharoitlar yaratish borasida olib borilayotgan islohotlar oʻz samarasini bermoqda. Mahallalar qiyofasi tubdan oʻzgartirilib, zamonaviy koʻrinishga ega boʻlmoqda. Ayniqsa, mahallalarda kichik bogʻlar, aholi dam olish maskanlari, bolalar maydonchalari, sport, futbol maydonchalari, kutubxonalar barpo etilib, aholi foydalanishi uchun topshirilayotgani quvonarli.
Shu bilan birga mahallalarda tadbirkorlik muhitini shakllantirish, aholi bandligini taʼminlash, ularning qoʻshimcha daromadga ega boʻlishlari uchun qator imtiyoz va imkoniyatlar yaratilmoqdaki, bu imkoniyatlardan oqilona foydalanayotgan yurtdoshlarimiz juda koʻp. Oʻz navbatida, Mikrokreditbank tomonidan ham ana shunday aholi vakillari qoʻllab-quvvatlanmoqda.
Jumladan, “Yashil makon” umummilliy loyihasi doirasida “Yangi Andijon” massivida ekilgan 7,5 ming dona daraxt koʻchatlarini sugʻorish tizimini oʻrnatish va ishga tushirish loyihasi Mikrokreditbankning moliyaviy koʻmagida ishga tushirildi.
Shuningdek, ushbu Bank moliyaviy hamkorligida Navoiy viloyati Xatirchi tumanidagi “Langar” va “Andigon” mahallalari infratuzilmasini yaxshilash maqsadida uy mehmonxonalarini tashkil etish orqali aholiga qulay shart-sharoitlar yaratish va ularni tadbirkorlikka jalb qilish hamda mahallalarning turizm salohiyatini yaxshilashga qaratilgan yana bir loyiha amalga oshirildi.
Mikrokreditbank yangidan bunyod boʻlayotgan mahallalar, farovonlikka erishayotgan oilalar, daromad manbaiga ega boʻlayotgan xotin-qizlarimizni moliyaviy qoʻllab-quvvatlashda davom etadi.
Bank Axborot xizmati
Yana ko‘ring
Bayram kunlaridagi ish tartibi!
MKBANK tizimida texnik ishlar olib borilmoqda!
