“Mikrokreditbank” ATB yurtimizning chekka hududlaridagi aholiga moliyaviy ko‘mak ko‘rsatish hamda ularni tadbirkorlikka jalb etish maqsadida qator loyihalarni amalga oshirib kelmoqda. Bu yo‘lda esa xalqaro moliya institutlari bilan hamkorlikni kengaytirmoqda.
Jumladan, bank tomonidan 2025-yil davomida ham chet el moliya institutlaridan jami 260 mln. AQSH dollari miqdoridagi mablag‘larni jalb qilish rejalashtirilgan.
Ayni damda mazkur reja ijrosini ta’minlash maqsadida “Mikrokreditbank” ATB tomonidan bir nechta chet el tashkilotlari bilan hamkorlik ishlari olib borilmoqda. Xususan, Singapurning “Olam Global Agri [Treasury] Pte Ltd” investitsiya kompaniyasi bilan 15 mln AQSh dollariga teng savdoni moliyalashtirish kelishuvi imzolandi va mablag‘ jalb qilindi.
Endilikda mazkur mablag‘ hisobidan yurtimizda xotin-qizlar va yoshlar tadbirkorligini rivojlantirish, innovatsion loyihalarni qo‘llab-quvvatlash maqsad qilingan.
Ta’kidlash kerakki, ushbu kelishuv nafaqat yurtimiz tadbirkorlarining kichik va o‘rta biznesini rivojlantirishga, balki mamlakatlar o‘rtasidagi savdo aloqalarini mustahkamlashga hamda iqtisodiy munosabatlarni yanada kengaytirish imkoniyatlarini ochmoqda.
Bank Axborot xizmati
Yana ko‘ring
E’lon!
Diqqat! MKBANK tizimida texnik ishlar olib borilmoqda!
Korrupsiyasiz bank: MKBANKda navbatdagi o‘quv seminari tashkil etildi
Seminar davomida xodimlar o‘zlarini qiziqtirgan savollarga javob olish bilan birga, bu illatga birgalikda kurashish lozimligini bildirishdi.
