MKBANKda 8-dekabr — O'zbekiston Respublikasining Konstitutsiyasi qabul qilingan kun munosabati bilan “Konstitutsiya – inson qadri, erkinlik, tenglik va adolat garovi!” nomli maʼnaviy-maʼrifiy tadbir hamda 9-dekabr — Xalqaro korrupsiyaga qarshi kurashish kuni bo‘yicha “Ochiq eshiklar” kuni o‘tkazildi.
Ushbu ikki muhim sana munosabati bilan tashkil etilgan ochiq muloqotda Oliy majlis qonunchilik palatasi deputati Botirali Shodiyev, Aksilkorrupsiya oyligi doirasida Markaziy bankning Komplaens xizmati Boshqarma boshlig‘i Abdulaziz Yusupov, OAV vakillari va bank xodimlari ishtirok etishdi.
Konstitutsiyaning jamiyat taraqqiyotidagi o‘rni, har bir fuqaro huquqlarini ishonchli himoya qiluvchi oliy huquqiy kafolat sifatidagi ahamiyati alohida ta’kidlandi. Konstitutsiyadagi har bir modda – bu nafaqat huquqiy qoidalar, balki har bir fuqaroning sha’ni, erkinligi va farovon hayoti uchun yaratilgan asos ekanligi aytib o‘tildi. Shuningdek, bank faoliyatida qonun ustuvorligini taʼminlash, mijozlar huquqlarini himoya qilish, adolat, halollik va mas’uliyat kabi qadriyatlarda Konstitutsiyada belgilab qoʻyilgan huquqiy kafolatlar asosiy oʻrin tutishi alohida qayd etildi.
Tadbirda yana korrupsiyaga oid amaldagi qonun hujjatlari mazmun-mohiyati va ularda belgilangan vazifalar ijrosi, ochiqlik, shaffoflik va korrupsiyaga qarshi kurashish yo‘nalishida amalga oshirilayotgan ishlar yuzasidan tizimda olib borilayotgan chora-tadbirlar haqida ma'lumot berildi.
Shuningdek, bankda korrupsiyaga oid salbiy holatlar va bunday huquqbuzarliklarga jazo muqarrarligi alohida ta’kidlandi. Shuning uchun ham har bir xodimdan bu illatga qarshi kurashda faol ishtirok etishi hayotiy misollar bilan tushuntirildi.
Tadbir oxirida bankda korrupsiyaga yoki va manfaatlar toʻqnashuviga duch kelganda aloqa kanallari orqali xabar berish imkoni mavjudligi yana bir bor eslatib o‘tildi.
Samimiy va ochiq muloqot ruhda o‘tgan mazkur ma’naviy-ma’rifiy tadbirlar MKBANK jamoasining huquqiy savodxonligini yanada oshirishda muhim vosita bo‘lib xizmat qilishiga ishonamiz.
Bank Axborot xizmati
Yana ko‘ring
MKBANK bilan Eskrou xizmatlarini dam olish kunlari ham amalga oshira olasiz
Yoshlik mahallasida tadbirkorlik loyihalari o‘rganildi
MKBANK rahbariyati “Dolzarb 40 kunlik” doirasida mahallalarni o‘rgandi
Aniqlangan masalalarni hal etishda bankning hududiy bo‘linmalari hamda “mahalla yettiligi” bilan hamkorlikni yanada kuchaytirish bo‘yicha tegishli vazifalar belgilandi.
