So‘nggi yillarda davlatimiz rahbari tashabbusi bilan mikromoliyaviy xizmatlardan foydalanish imkoniyatlarini kengaytirish, ularning tadbirkorlik rivojidagi rolini kuchaytirishga qaratilgan qator farmon va qarorlar qabul qilinib, bu sohaga katta e’tibor qaratilmoqda.
Joriy yilning 19-20-sentabr kunlari Samarqandda "Kichik biznesga chegarasiz madad, mohiyatga qaytish" mavzusida uchinchi Markaziy Osiyo mikromoliya sammiti-2024 bo‘lib o‘tdi.
Ikki kun davom etgan sammitda Markaziy Osiyo mikromoliya hamjamiyati – tadbirkorlar, moliya tashkilotlari, mutaxassislar hamda MKBANK vakillari ham ishtirok etishdi.
Sammit doirasida Tojikiston, Qirg‘iziston, Mo‘g‘iliston, Shvetsariya davlatlarining bank va moliya sohasi vakillari bilan davra suhbatlari o‘tkazildi.
Davra suhbati davomida Mikrokreditbank tomonidan tashkil etilayotgan mikromoliya tashkiloti faoliyatini tezroq amaliyotga joriy qilish borasida fikr almashildi.
Shuningdek, yangi mikromoliya tashkilotining chekka hududlardagi kichik biznes subyektlarini qo‘llab-quvvatlashdagi o‘rni muhokama etildi.
Suhbat yakunida mazkur yo‘nalishda o‘zaro tajriba almashish yuzasidan kelishuvga erishildi.
Ta’kidlash kerakki, sammit mintaqada mikromoliyani rivojlantirish tashabbuslarini muvofiqlashtirish, ilg‘or tajribalar bilan o‘rtoqlashish, bozorga yangi mahsulot va xizmatlarni joriy etish, yuzaga kelishi mumkin bo‘lgan xavflarni muhokama qilish, nazorat qiluvchi organlar bilan muloqot o‘rnatish, investitsiyalarni jalb qilish va raqamli yechimlarni ilgari surishdan iborat edi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
