MKBANKda xodimlarning kasbiy salohiyati bilan bir qatorda ularning ma'naviy-ma'rifiy dunyoqarashini yuksaltirishga ham alohida e'tibor qaratiladi. Shu maqsadda bank xodimlari Toshkent shahridagi Islom sivilizatsiyasi markaziga borishdi.
Tashrif davomida bank xodimlari va yoshlar yurtimiz hududidan yetishib chiqqan buyuk allomalar – Imom Buxoriy, Imom Termiziy, Burhoniddin Marg‘inoniy, Abu Rayhon Beruniy, Abu Ali ibn Sino, Mirzo Ulug‘bek va boshqa ulug‘ ajdodlarimizning ilm-fan taraqqiyotiga qo‘shgan ulkan hissasi bilan yaqindan tanishdilar. Shuningdek, markazdagi noyob qo‘lyozmalar, tarixiy eksponatlar, zamonaviy multimedia va interaktiv ekspozitsiyalar orqali O‘zbekistonning boy ilmiy, diniy va madaniy merosi haqida batafsil ma'lumotlarga ega bo‘ldilar.
Mazkur ma'naviy-ma'rifiy tadbir xodimlarda milliy qadriyatlarga hurmat, tarixiy merosimizga daxldorlik hissi hamda ilm-ma'rifatga bo‘lgan qiziqishni yanada mustahkamladi.
Ekskursiya davomida bank xodimlari ajdodlarimizning bebaho merosi, ularning jahon tamadduni rivojiga qo‘shgan hissasi va bugungi kunda ushbu boy merosni asrab-avaylash borasida amalga oshirilayotgan ishlar haqida ham batafsil ma'lumot oldilar.
MKBANK bundan buyon ham jamoada ma'naviy muhitni mustahkamlash, xodimlarning bilim va tafakkurini boyitishga xizmat qiladigan ma'rifiy tadbirlarni izchil davom ettiradi. Zero, yuksak ma'naviyat, boy bilim va mustahkam qadriyatlar har qanday muvaffaqiyatning ishonchli poydevoridir.
Bank Axborot xizmati
Yana ko‘ring
MKB Pay — avtomatik qarz undirish tizimi 24/7 undiradigan aqlli platforma
