Korrupsiyaga qarshi kurashish agentligi tomonidan 50 ga yaqin davlat idora va tashkilotlarining manfaatlar to‘qnashuvini tartibga solish bo‘yicha maxsus bo‘linmalari, kadrlar bo‘linmalari, odob-axloq komissiyalari a‘zolari uchun “Manfaatlar to‘qnashuvini boshqarish” mavzusiga bag‘ishlangan treninglar o‘tkazildi.
Trening davomida davlat boshqaruvida xolislik, shaffoflik va masʼuliyat tamoyillarini mustahkamlash hamda manfaatlar to‘qnashuvi bilan bog‘liq xavflarning oldini olish bo‘yicha tizimli yondashuvlarni joriy etish bo‘yicha ma’lumotlarga ega bo‘lindi.
Shuningdek, mashg‘ulotlarda manfaatlar to‘qnashuvi tushunchasi, uning turlari, uni aniqlash usullari va yuzaga kelishi mumkin bo‘lgan huquqiy, institusional, obro‘-e’tibor xavflari muhokama qilindi.
Latviyalik xalqaro ekspertlar tomonidan olib borilgan mashg‘ulotlarda ishtirokchilarning manfaatlar to‘qnashuviga oid munosabatlarni tartibga solishda muammoni faol anglash va ularga yechim topish qobiliyatini rivojlantirish maqsadida zamonaviy taʼlim texnologiyalari — nazariy maʼruzalar, amaliy keyslar, vaziyat tahlili, guruh ishlari qo‘llanildi.
Ta’kidlash kerakki, ushbu tashabbus Yevropa Ittifoqi va Germaniya Federal iqtisodiy hamkorlik va taraqqiyot vazirligi moliyaviy ko‘magida amalga oshirilayotgan “O‘zbekistonda davlat boshqaruvini takomillashtirish – inklyuziv korrupsiyaning oldini olish” loyihasi doirasida Latviya Transparency International hamkorligida tashkil etildi.
Bank Axborot xizmati
Yana ko‘ring
Eskrou xizmatlarini dam olish kunlari ham amalga oshira olasiz
Rahbar va yoshlar uchrashuvi: tibbiyot muassasasida
