Joriy yilning 15-may kuni poytaxtimizdagi Mirzo Ulug‘bek nomidagi Markaziy bog‘da milliy qadriyatlarimiz va sport an’analarini o‘zida mujassam etgan “Uzbekistan Ethno Games” respublika festivali bo‘lib o‘tdi.
Mazkur festival O‘zbekiston Respublikasi Prezidentining 2022-yil 25-maydagi “Etnosport turlarini ommalashtirish va rivojlantirish chora-tadbirlari to‘g‘risida”gi PQ–259-son qarori ijrosini ta’minlash maqsadida Sport vazirligi, O‘zbekiston korporativ sport assotsiatsiyasi hamda O‘zbekiston Etnosport assotsiatsiyasi bilan hamkorlikda tashkil etildi. Unda milliy va xalq o‘yinlari (etnosport) orqali turli tashkilot xodimlari orasida sog‘lom turmush tarzini targ‘ib qilish hamda madaniy merosimizga bo‘lgan hurmatni oshirish maqsad qilingan.
Ko‘tarinki kayfiyatda o‘tgan tadbirda “Mikrokreditban” ATB jamoasi ham faol ishtirok etdi.
Festival doirasidagi qizg‘in bahslarda bank xodimlari o‘zlarining jismoniy tayyorgarligi va jamoaviy birdamligini ko‘rsatishdi. Ayniqsa, ayollar va erkaklar jamoalariga bo‘lingan arqon tortish musobaqasida xodimlarimiz o‘zaro birdamlikni namoyon etishdi.
Ushbu tadbir nafaqat sport musobaqasi, balki davlat idoralari, tijorat banklari va yirik korxonalar xodimlari o‘rtasida o‘zaro hamjihatlikni mustahkamlovchi maydonga aylandi.
Ta’kidlash joizki, bunday korporativ sport tadbirlari jamoada sog‘lom muhitni shakllantirish, bank xodimlarining ish samaradorligini oshirish va mehnat qobiliyatini tiklashda katta ahamiyatga ega.
Bank Axborot xizmati
Yana ko‘ring
Samarqanddagi tadbirkorlar bilan uchrashuv o'tkaziladi!
Mikrokreditbank shanba va yakshanba kunlari ham ishlaydi
