Joriy yilning 26-yanvar kuni Mikrokreditbank aksiyadorlik-tijorat banki bosh ofisida “Islom moliya asoslari va zamonaviy Islom bank tizimida qo’llaniladigan moliyaviy mahsulotlar” mavzusida amaliy seminar tashkil etildi.
Seminar Xususiy sektorni rivojlantirish Islom korporatsiyasi mutaxassislari tomonidan o’tkazildi.
Islom moliyasida amaliy tajribaga ega bo’lgan ushbu mutaxassislar asosan bankning viloyat va tuman filiallaridan iborat yuzdan ortiq seminar ishtrokchilari bilan birgalikda Islom iqtisodiyoti, moliyasi va banklari asoslari bilan bog’liq bo’lgan mavzular yuzasidan ma’lumotga ega bo’ldilar.
Mazkur seminardan maqsad bank xodimlariga Islom bank-moliya tizimi doirasida qo’llanadigan moliyaviy vosita va mahsulotlar bo’yicha batafsil ma’lumot berish, ularning bu sohadagi bilim va ko’nikmalarini kuchaytirish, shuningdek, ushbu tizim imkoniyatlarini amalda ko’rsatishdan iborat.
O’quv-seminarda Islom moliyasi, murobaha va muzoraba to’g’risidagi tushunchalar va O’zbekiston bank tizimida mazkur istrumentlar turlarini tadbiq etishga qaratilgan tavsiyalar yuzasidan ma’lumot berildi.
Bank Axborot xizmati
Yana ko‘ring
MKBANK tizimida texnik ishlar olib borilmoqda!
Xalqaro o'tkazmalar uchun bankka kelish shart emas!
