MKBANKda Sohibqiron Amir Temur tavalludining 690 yilligi munosabati bilan "Ommaviy diktant” tanlovi o‘tkazildi.
Ushbu tashabbusning asosiy maqsadi — bank xodimlarining lotin yozuviga asoslangan oʻzbek alifbosida ish yuritish koʻnikmalarini oshirish, oʻzbek tilining jamiyatdagi oʻrni va ahamiyatini yanada mustahkamlash, savodxonlik darajasini baholash hamda davlat tiliga boʻlgan eʻtibor va hurmatni yanada oshirishdan iborat.
Diktant mavzusi uchun HAMDAM SODIQOVning AMIR TEMUR HAYOTIDAGI GʻAROYIBOTLAR nomli tarixiy badialaridan “HOFIZ TEMUR” hikoyasi tanlandi.
Tadbir davomida xodimlar oʻzbek tilining imlo qoidalari, tinish belgilari va toʻgʻri yozuv madaniyati boʻyicha bilim va koʻnikmalarini amalda sinab koʻrish imkoniga ega boʻldilar.
Bank jamoasi uchun ushbu aksiya nafaqat savodxonlikni baholash, balki maʻnaviyatni oshirish va kitobxonlik madaniyatini targʻib etishga hamda yoshlar oʻrtasida tarixiy bilimlarni mustahkamlashga ham xizmat qildi.
Bank jamoasi diktant yozishni yoshlik va maktab davrlarini eslatuvchi begʻubor damlarga qiyoslashdi.
Tanlov yakunida xodimlar Amir Temur haqidagi bunday badiiy hikoya ularda katta taassurot qoldirganini va Sohibqiron haqida yana bir qiziq maʼlumotga ega boʻlishganini taʼkidlashdi.
Bank Axborot xizmati
Yana ko‘ring
MKBANK bilan Eskrou xizmatlarini dam olish kunlari ham amalga oshira olasiz
Yoshlik mahallasida tadbirkorlik loyihalari o‘rganildi
MKBANK rahbariyati “Dolzarb 40 kunlik” doirasida mahallalarni o‘rgandi
Aniqlangan masalalarni hal etishda bankning hududiy bo‘linmalari hamda “mahalla yettiligi” bilan hamkorlikni yanada kuchaytirish bo‘yicha tegishli vazifalar belgilandi.
