MKBANKdan budjet tashkilotlari uchun zamonaviy korporativ karta yechimlari

Mikrokreditbank bugungi kunda barcha budjet tashkilotlari uchun korporativ bank kartalarini chiqarish va ularga yuqori sifatli xizmat ko‘rsatishga to‘liq tayyor.

Mazkur yechim tashkilotlarning moliyaviy jarayonlarini sezilarli darajada soddalashtirib, tezkor va shaffof ishlash imkonini beradi.

Tezkor xaridlar — ortiqcha ovoragarchiliksiz

Korporativ karta orqali tovarlar va xizmatlarni xarid qilish uchun endi uzoq jarayonlar talab etilmaydi. Amaldagi tartibga ko‘ra, xaridlar to‘g‘ridan-to‘g‘ri shartnomalar asosida, g‘aznachilikda oldindan ro‘yxatdan o‘tkazilmasdan amalga oshiriladi.

Natijada:

• Favqulodda ehtiyojlar bir necha daqiqada hal qilinadi

• Ish jarayonlari tezlashadi

Kichik xaridlar uchun:

• Shartnoma tuzish

• Ekspertizadan o‘tkazish

• To‘lov hujjatlarini tayyorlashda ortiqcha hujjatlar va jarayonlar kamayadi. Bu esa vaqtni tejash bilan bir qatorda ortiqcha qog‘ozbozlikni kamaytiradi.

Shaffoflik va to‘liq nazorat

Har bir tranzaksiya raqamli tizimlar orqali nazorat qilinadi:

• “UzASBO” dasturi orqali real vaqt monitoring

• Bank ko‘chirmalari orqali doimiy kuzatuv

Natijada, mablag‘larning maqsadli sarfi ta’minlanadi va nazorat kuchayadi

Karta orqali amalga oshirilgan xaridlar elektron chek va hisob-fakturalar asosida avtomatik tarzda buxgalteriyada aks etadi. Bu esa inson omilini kamaytiradi, xatolarni oldini oladi.

Buxgalter uchun qulay boshqaruv

Tashkilot buxgalterlari uchun keng imkoniyatlar mavjud:

• Shaxsiy kabinet orqali kartalarga mablag‘ o‘tkazish

• Kartalar o‘rtasida 24/7 pul o‘tkazish

• Xarajatlar uchun limit belgilash

Shuningdek, yuqori turuvchi tashkilotlar quyi tashkilotlar kartalari ustidan nazorat o‘rnatishi mumkin.

Korporativ bank kartalari — bu byudjet tashkilotlari uchun tezkorlik, qulaylik, shaffoflik va raqamli nazorat birlashtirilgan zamonaviy moliyaviy yechimdir.

Axborot xizmati