Mingbuloqda Mikrokreditbankning zamonaviy binosi foydalanishga topshirildi.

10-noyabr kuni zamonaviy hamda milliy arxitektura uygʼunligi talablariga toʼliq javob beradigan “Mikrokreditbank” Mingbuloq filiali yangi binosining tantanali ochilish marosimi boʼlib oʼtdi. 

Ochilish marosimida tuman hokimi Nurshod Xudoyberdiyev, Oʼzbekiston Respublikasi Markaziy bankining Namangan viloyati Bosh boshqarmasi mutasaddilari, bank va moliya muassasalari vakillari, tadbirkorlar, keng jamoatchilik vakillari, bino qurilishida bevosita ishtirok etgan pudratchi tashkilot quruvchilari jamoasi hamda filial xodimlari ishtirok etdi.

Tadbirda tuman hokimi bankning tuman iqtisodiyotini rivojlantirishga hissa qoʼshish bilan birga, biznes yuritishni istagan ishbilarmonlik vakillari uchun qulay shart-sharoitlar yaratish, mijozlarga tez va samarali xizmat koʼrsatish va qolaversa, ajratilgan bank kreditlari hisobiga yangi ish oʼrinlari tashkil etish maqsadida oʼzining yangi filiali eshiklarini ochayotganligini qayd etib oʼtdi. 

Maʼlumot oʼrnida: Mingbuloq filialining yangi binosi pudratchi «Mingbuloq sifat qurilish savdo MChJ» tomonidan umumiy qiymati 3 mlrd. 100 million soʼm hisobiga qurib bitkazildi.

Bank xodimlari mijozlar va aholiga barcha turdagi bank xizmatlarini ko'rsatishga doimo tayyor!

Bank Axborot xizmati