Marhamat tumanining “Sho‘rqaqir” mahallasida tadbirkorlar hamda ijtimoiy reyestrga kiritilgan fuqarolar bilan uchrashuv o‘tkazilmoqda.
Unda Marhamat tumani hokimi Ilyosbek Umrzaqov, “Mikrokreditbank” ATB Boshqaruv raisi o‘rinbosari I. Mamajonov hamda Bankning Kichik va o‘rta biznes departamenti direktori F. G‘aybullayev ishtirok etmoqda.
Uchrashuv 12-sonli umumiy o‘rta ta’lim maktabida tashkil etilib, unda tadbirkorlar va fuqarolarning murojaatlari bevosita o‘rganilmoqda.
Muloqotlar davomida har bir tadbirkor va fuqaro bilan individual suhbatlar o‘tkazilib, mavjud imtiyoz va imkoniyatlar, tadbirkorlik faoliyatini qo‘llab-quvvatlash mexanizmlari, shuningdek, ijtimoiy reyestrga kiritilish va undan chiqarilish tartiblari yuzasidan tushuntirishlar berilmoqda.
Uchrashuvning asosiy maqsadi — aholi va tadbirkorlarning muammolarini joyida o‘rganish, ularni moliyaviy qo‘llab-quvvatlash imkoniyatlarini kengaytirish hamda mavjud masalalarga amaliy yechim topishdan iborat.
Bank Axborot xizmati
Yana ko‘ring
MKBANK va TKXU o‘rtasida hamkorlik memorandumi imzolandi!
MKBANKda xavfsizlik darajasi yanada oshirilmoqda
