Joriy yilning 1-aprel kuni “Qalqon ortida” telegram kanalida Shahrixon tumani 67-maktab jamoasi nomidan murojaat yoʻllangan boʻlib, unda tumandagi barcha maktab oʻqituvchi xodimlarining mart oyi ish haqisi toʻlab boʻlingani, lekin Shahrixon tumani Mikrokreditbank tomonidan 67-maktab jamoasining ish haqisini kartaga tushirib berilmayotgani tanqid qilingan.
Mazkur murojaat bank xodimlari tomonidan oʻrganildi.
Taʻkidlash kerakki, MKBANKda IT infratuzilmasini modernizatsiya qilish doirasida joriy yilning 29-31-mart kunlari Avtomatlashtirilgan Bank Tizimi (iABS) boʻyicha rejalashtirilgan texnik ishlar olib borildi va bu haqda Markaziy bankka ham ogohlantirish xati taqdim etilib, Bankning rasmiy sayti va ijtimoiy tarmoqlari orqali eʻlon berilgan.
Shuningdek, bank va tashkilot oʻrtasida tuzilgan shartnomaga koʻra, bank tashkilot hisob raqamiga oylik ish haqisini bir kun muddatda oʻtkazib berishi koʻrsatilgan. Vaholangki, bank 67-maktab jamoasining oylik ish haqisini 1-aprel kuni kechki vaqtda tushirib bergan.
Ayni damda texnik uzilishlarga qaramay bankimiz mijozlar uchun xizmat qilishni oʻzining eng muhim vazifasi deb bilishini eslatib oʻtmoqchimiz.
Bank Axborot xizmati
Yana ko‘ring
MKBANK bilan Eskrou xizmatlarini dam olish kunlari ham amalga oshira olasiz
Yoshlik mahallasida tadbirkorlik loyihalari o‘rganildi
MKBANK rahbariyati “Dolzarb 40 kunlik” doirasida mahallalarni o‘rgandi
Aniqlangan masalalarni hal etishda bankning hududiy bo‘linmalari hamda “mahalla yettiligi” bilan hamkorlikni yanada kuchaytirish bo‘yicha tegishli vazifalar belgilandi.
