Joriy yilning 26-sentabr kuni “Yazdurdiyev” telegram kanalida “Mikrokreditbank” Mirishkor tumani filialidan kredit olishdagi sarsongarchilik haqida xabar joylandi.
Unga ko‘ra, fuqarolar Shirinboyev Islom Olloberdi o‘g‘li hamda Shirinxonov Norbek Zubaydullo o‘g‘lining kredit hujjatlari bank tomonidan qabul qilinganligi, ammo filial bosh menejeri Sayidov G‘anisher Baxtiyorovich ta’kidlagan muddat o‘tib ketgan bo‘lishiga qaramasdan kredit ajratilmayotganligi tanqid qilingan.
Ushbu murojaat bo‘yicha o‘rganish ishlari olib borilganda quyidagilar aniqlandi.
Haqiqatan ham, joriy yilning 24-25-avgust kunlari “Firdavsbek Mahorati” xususiy korxonasi rahbari Olimov Abbos G‘ulomxon o‘g‘li tomonidan mebel ishlab chiqarish maqsadida uskuna sotib olish uchun 300 mln. so‘m hamda “Jeynov Asl Binokor” MCHJ rahbari Shirinboyev Islom Olloberdi o‘g‘li tomonidan qurilish materiallari ishlab chiqarish maqsadida uskuna sotib olish uchun 250 mln. so‘m imtiyozli kredit mablag‘i ajratib berish bo‘yicha hujjatlar to‘plami taqdim qilingan.
“Mikrokreditbank” tomonidan “Jeynov Asl Binokor” MCHJ loyihasi uchun mablag‘ ajratish bo‘yicha 2022-yil 21-sentabr kuni, “Firdavsbek Mahorati” xususiy korxonasiga mablag‘ ajratish bo‘yicha esa 2022-yil 16-sentabr kuni Investitsiya va tashqi savdo vazirligi huzuridagi Yosh tadbirkorlarni qo‘llab-quvvatlash jamg‘armasiga Buyurtmanomalar jo‘natilgan.
Bundan tashqari, “Firdavsbek Mahorati” xususiy korxonasi rahbari A.Olimov bugungi kunda yosh tadbirkor bo‘lmaganligi sababli, korxona rahbari etib Shirinxonov Norbek Zubaydullo o‘g‘li tayinlaganligini bildirgan va 5-oktabr holatiga “Mikrokreditbank” Beshkent filialiga yangi hujjatlar to‘plamini qayta taqdim etgan.
Shuningdek, “Jeynov Asl Binokor” MCHJ rahbari I.Shirinboyev esa ta’minotchi korxona “Jamshidbek Metall Konstruksiya servis” MCHJ mahsulot yetkazib berish bo‘yicha sifat sertifikatini taqdim etolmagani sababli, boshqa ta’minotchi “CHINA LEASING IMPEX” MCHJ bilan mahsulot yetkazib berish bo‘yicha shartnoma tuzib, yangi hujjatlar to‘plamini taqdim etgan.
Mazkur holat bo‘yicha “Mikrokreditbank” Beshkent filiali qoshidagi Mirishkor BXM bosh menejeri G‘.Sayidov tomonidan mijozlarga tushuntirish ishlari olib borildi hamda murojaatlar bilan ishlaydigan xodimlar tomonidan 2022-yil 11-oktabrda suhbat bayoni tuzilgan.
Qayd etib o‘tish joizki, noyabr oyi boshida O‘zbekiston Respublikasi Investitsiyalar va tashqi savdo vazirligi huzuridagi Yosh tadbirkorlarni qo‘llab-quvvatlash jamg‘armasi tomonidan moliyaviy resurs mablag‘i ajratilgan, shundan so‘ng 2022-yil 4-noyabrda “Firdavsbek Mahorati” xususiy korxonasiga bank tomonidan 300 mln. so‘m kredit mablag‘i ajratilgan.
“Jeynov Asl Binokor” MCHJ rahbari Shirinboyev Islom Olloberdi o‘g‘li tomonidan qurilish materiallari ishlab chiqarish maqsadida uskuna sotib olish uchun 250 mln. so‘m imtiyozli kredit mablag‘i ajratib berish bo‘yicha hujjatlar to‘plami bankdan mijozning o‘z istagiga ko‘ra qaytarib olinganligini ma’lum qilamiz.
Bank axborot xizmati
Yana ko‘ring
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
Texnik muammolarga onlayn yechim!
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
