XIZMAT SIFATI YAXSHILANIB, ISH UNUMDORLIGI ORTADI

XIZMAT SIFATI YAXSHILANIB, ISH UNUMDORLIGI ORTADI

“Mikrokreditbank” va IT park rezidenti "Efika-Tech" tomonidan tijorat banklari orasida birinchi bo‘lib, “Kreditlar monitoringi” va “Muammoli kreditlar hisobi” platformasi yaratildi.

Ushbu platforma yordamida:

bank tomonidan berilgan kreditlar bilan bog‘lik maʼlumotlarni onlayn rejimda olish,

kreditlar bo‘yicha barcha arizalarni, xatlarni, maʼlumotlarni avtomat tartibda shakllantirish,

kreditlarni berilgan sanadan boshlab yopilgungacha bo‘lgan barcha tarixini ko‘rish imkoniyatlari mavjud. 

Ushbu yangi platforma bank kredit portfeli asosida ishlab chiqilgan bo‘lib, “Elektron hukumat” yordamida quyidagi tashkilotlar bilan integratsiya qilindi.

Qarz oluvchining moliyaviy ahvolini tahlil qilish maqsadida forma-1 va forma-2 hisobotlarini olish uchun Davlat soliq qo‘mitasi tizimi bilan;

kredit garovi sifatida taqdim etilgan mol-mulkning taqiqda turgan yoki turmaganligini aniqlash maqsadida Adliya vazirligi maʼlumotlar bazasi bilan;

kredit garovi sifatida taqdim etilgan mol-mulklarni taqiqqa quyish va taqiqdan yechish bo‘yicha O‘zbekiston Respublikasi Markaziy banki huzuridagi “Garov reestri” bilan;

qarz oluvchilarga xabarnomalarni yuborish uchun “O‘zbekiston pochtasi” (gibrid pochta) bilan;

kredit ishini sudga o‘tkazish to‘g‘risida avtomatik ravishda bildirishnoma yuborish uchun Savdo-sanoat palatasi (SSP) tizimi bilan;

ijro hujjati bo‘yicha qarz undirilishini kuzatish uchun Bosh Prokuratura huzuridagi Majburiy ijro byurosi (MIB) tizimi bilan;

garovga quyilgan hamda bank balansidagi mol-mulklarni sotish bo‘yicha Davlat aktivlarini boshqarish agentligi huzuridagi e-auksion tizimi bilan integratsiya qilindi.

Yurtimizda Elektron Hukumatni rivojlantirish maqsadida yangidan yaratilgan ushbu platforma kelgusida yurtimizdagi sud organlari bilan ham integratsiya qilish ishlari olib borilmoqda. Albatta, mazkur platforma yordamida bank mijozlariga xizmat ko‘rsatish sifati yaxshilanib, ish unumdorligi ham ortadi.

Shu bilan birga bank tomonidan dastur doimiy takomillashtirilib, zaruratga ko‘ra boshqa davlat tashkilotlari bilan ham integratsiya ishlari olib boriladi.

Bank axborot xizmati