Zamonaviy davlat boshqaruvi va biznesda eng muhim tamoyillardan biri bu — halollik, shaffoflik va javobgarlikdir. Bugungi kunda korrupsiya faqat jinoyat emas, balki jamiyat taraqqiyotiga qarshi yoʻnaltirilgan tahdid sifatida baholanmoqda.
Hurmatli prezidentimiz taʼkidlaganidek, “Afsuski, jamiyatimizda korrupsiya illati oʻzining turli koʻrinishlari bilan taraqqiyotimizga gʻov boʻlmoqda. Bu yovuz baloning oldini olmasak, haqiqiy ishbilarmonlik va investitsiya muhitini yaratib boʻlmaydi, umuman jamiyatning birorta tarmogʻi rivojlanmaydi”. Shu bois korrupsiyaga qarshi kurash faqat davlat emas, har bir tashkilot va fuqaroning ham masʻuliyatli ishi boʻlishi kerak.
Bu borada Mikrokreditbank ATBda ham muhim ishlar amalga oshirilmoqda. Jumladan, Xorazm viloyat hududiy boshqarmasida tashkil etilgan “Koruppsiyasiz bank” shiori ostidagi yigʻilish ham bunga misol bo‘la oladi.
Unda Xorazm viloyat Urganch shahar Prokuraturasi 3-darajali yuristi, tezkor vakil M.Masharipov, Xorazm viloyat Ichki ishlar boshqarmasi tezkor qidiruv xizmati Terrorizmga qarshi kurashish boshqarmasi xodimi, podpolkovnik A.Xudayberganov, viloyat IIB Kiberxavfsizlik boshqarmasi katta mutaxassis X.Sotimov hamda Bank rahbariyati va xodimlar ishtirok etishdi. Shuningdek, mahalla bankirlari, mahalla agentlari va BXO hamda BXM xodimlari esa ZOOM orqali qatnashishdi.
Tadbirda bankda korrupsiyaga qarshi qurashish va korrupsiyaning oqibatlari, bank xodimlari orasida korrupsiyaga yoʻl qoʻymaslik, tizimdagi korrupsiya holatlarining sabab va shart-sharoitlarini aniqlash, oʻz faoliyatida manfaatlar toʻqnashuviga yoʻl qoʻymaslik, korrupsiyaga nisbatan murosasiz munosabatni shakllantirish, bu kabi holatlarni barvaqt aniqlash hamda oldini olish boʻyicha hayotiy misollar bilan tushuntirishlar berildi.
Shuningdek, yig‘ilishda plastik kartalardan toʻgʻri foydalanish va firibgarlik qurboni boʻlib qolmasliklari yuzasidan aholining moliyaviy savodxonligini oshirish hamda Bank faoliyatida axborot xavfsizligi siyosati va kiberxavfsizlik qoidalariga rioya qilish darajasini oshirish borasida ham maʻlumotlar taqdim etildi.
Yigʻilish soʻngida bank xodimlari oʻzlarini qiziqtirgan savollarga javob olish bilan birga, juda foydali va qiziqarli maʻlumotlarga ega boʻlishganini qayd etishdi.
Har birimiz jamiyatda halollik va adolat tamoyillarining ustuvor boʻlishiga masʻulmiz. Korrupsiyani faqat qonun bilan emas, ong, madaniyat va birgalikdagi harakatlar bilan yengish tarafdorimiz.
Bank Axborot xizmati
Yana ko‘ring
MKBANK bilan Eskrou xizmatlarini dam olish kunlari ham amalga oshira olasiz
Yoshlik mahallasida tadbirkorlik loyihalari o‘rganildi
MKBANK rahbariyati “Dolzarb 40 kunlik” doirasida mahallalarni o‘rgandi
Aniqlangan masalalarni hal etishda bankning hududiy bo‘linmalari hamda “mahalla yettiligi” bilan hamkorlikni yanada kuchaytirish bo‘yicha tegishli vazifalar belgilandi.
