Joriy yilning 31-oktabr va 1-noyabr kunlari Jizzax viloyati Zafarobod tumani madaniyat markazi binosida “Mikrokreditbank” ATB Boshqaruv raisi O.Butayev hamda Zafarobod tumani hokimi G‘.Eshpulatov ishtirokida tuman tadbirkorlari bilan uchrashuv tashkil etildi.
Uchrashuvda tumandagi aholi bandligini ta’minlash, oilaviy tadbirkorlikni rivojlantirish, kichik biznes subyektlarini qo‘llab-quvvatlash va aholining daromadlarini oshirish masalalari atroflicha muhokama qilindi.
Shuningdek, bank tomonidan taqdim etilayotgan imtiyozli kreditlar, ayniqsa, yoshlar va ayollar tadbirkorligini qo‘llab-quvvatlashda muhim vosita bo‘layotgani ta’kidlandi.
Ushrashuvda tadbirkorlar o‘z faoliyatidagi muammolar, moliyaviy ehtiyojlar va yangi loyihalar yuzasidan ham fikr almashish imkoniga ega bo‘lishdi.
Ochiq muloqot ruhida o‘tgan uchrashuvda tadbirkorlar tomonidan bildirilgan taklif hamda tashabbuslar asosida kelgusida amalga oshiriladigan chora-tadbirlar belgilab olindi.
Shundan so‘ng Boshqaruv raisi O.Butayev mahallalardagi loyihalar bilan tanishdi va aholining tashabbuslarini qo‘llab-quvvatlashini bildirdi.
Bank Axborot xizmati
Yana ko‘ring
MKBANK: Zo‘ravonlikka yo‘l yo‘q!
Tadbirda xotin-qizlarni har qanday zo‘ravonlikdan, xususan, raqamli makondagi tahdidlardan himoya qilish muhim ekanligi ta’kidlandi.
Bayramda ish tartibimiz!
Dam olish kunlarida "MAVRID" ilovasidan 24/7 rejimda masofadan turib foydalanishingiz va barcha to‘lovlarni amalga oshirishingiz mumkin!
