Zargarlik san’ati o‘zbek milliy, badiiy madaniyati tarixining ajralmas qismi bo‘lib kelgan. Uning ko‘p asrlik an’analarini tiklash va takomillashtirish, mahalliy zargarlik buyumlari ishlab chiqarilishi va tizimdagi ishlab chiqaruvchi korxonalar faoliyati samaradorligini oshirish uchun qulay shart-sharoitlar yaratish, ichki va tashqi bozorlarda mahsulotlarning raqobatbardoshligini ta’minlash, shuningdek, aholining yuqori sifatli mahalliy zargarlik buyumlariga bo‘lgan talabini qondirish maqsadida O‘zbekiston Respublikasi Prezidenti tomonidan 2022-yil 23-dekabr kuni “Zargarlik buyumlarini ishlab chiqarish quvvatlarini kengaytirish va mahalliy zargarlarni har tomonlama qo‘llab-quvvatlash bo‘yicha qo‘shimcha chora-tadbirlar to‘g‘risida”gi PQ-452-sonli qarori qabul qilindi.
Mazkur qaror ijrosini amalga oshirish hamda aholining investitsiya va jamg‘arish imkoniyatlarini kengaytirish, shuningdek, qimmatbaho metallar muomalasini rivojlantirish maqsadida O‘zbekiston Respublikasi Markaziy banki o‘lchovli oltin quymalarni tijorat banklari orqali sotuvga ham chiqarmoqda.
“Mikrokreditbank” aksiyadorlik-tijorat banki tizimida ham yuqoridagi topshiriq bo‘yicha izchil ishlar amalga oshirilmoqda. Jumladan, bank moliyaviy ko‘magida tadbirkorlarga zargarlik buyumlari ishlab chiqarishni yo‘lga qo‘yish va bu boradagi faoliyatlarini kengaytirishlari uchun sharoitlar yaratilmoqda.
Mana shunday tadbirkorlardan biri – Shamsutdinova Manzura Ruzibayevnadir. Yil boshida o‘z tadbirkorlik faoliyatini kengaytirish maqsadida “Mikrokreditbankdan”dan yillik 14% stavkada 1,5 yil muddatga 33 mln. so‘m kredit olgan ayol, ayni damda mahalliy bozorni zargarlik buyumlari bilan ta’minlamoqda.
– Barchamizga ma’lumki, zargarlik bizning xalqimizda azal azaldan rivojlanib kelgan. Mana shunday milliy qadriyatlarimizdan birining bardavomligi uchun o‘z hissamni qo‘shayotganimdan minnatdorman, – deydi, tadbirkor M.SHamsutdinova. – Aslida 15 yildan buyon bu sohada faoliyat yuritib kelaman. Prezidentimizning o‘tgan yil oxirida qabul qilgan qarorlari haqida eshitib juda xursand bo‘ldim. Negaki anchadan beri faoliyatimni kengaytirishni ko‘zlab yurgan edim. Shuning uchun darhol “Mikrokreditbank”ka murojaat qilib, o‘zimga kerakli miqdorda kredit rasmiylashtirdim. Hozirda 3 nafar ishchi o‘rni yaratganman. Kelgusida o‘z mahsulotlarimni jahon bozoriga ham olib chiqish niyatim bor.
Qayd etib o‘tish joizki, yuqoridagi qaror asosida tadbirkorlar uchun ko‘plab imkoniyatlar yaratilgan. Jumladan, zargarlik buyumlarini ishlab chiqaruvchilarning qimmatbaho metallarni tovar-homashyo birjasi orqali kechiktirib to‘lash sharti bilan sotib olishlari mumkinligi, shuningdek, maxsus o‘quv kurslari tashkil etilib, kurslarni muvaffaqiyatli tugatgan va tegishli sertifikatni olgan shaxslarga belgilangan tartibda 50 million so‘mgacha imtiyozli kreditlar ajratilayotgani alohida ahamiyatga molik.
“Mikrokreditbank” tomonidan mazkur sohani yanada rivojlantirish hamda tadbirkorlarga keng imkoniyatlar yaratish maqsadida izchil ishlar amalga oshirilishi rejalashtirilgan.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
