Milliy matbuot markazida Respublika Markaziy banki tomonidan «Xotin-qizlar tadbirkorligini moliyaviy qo'llab-quvvatlash, oilaviy biznesni rivojlantirish va bandlikni ta'minlash masalalariga bag'ishlangan matbuot anjumani o'tkazildi.
Unda O'zbekiston xotin-qizlar qo'mitasi, tijorat banklari hamda “Tadbirkor ayol” O'zbekiston Ishbilarmon Ayollar uyushmasi vakillari ham ishtirok etdi.
Mamlakatimizda xotin-qizlar tadbirkorligini har tomonlama qo'llab-quvvatlash, ularga yaqindan amaliy yordam ko'rsatish va tadbirkorlikka keng jalb etish uchun zarur shart-sharoitlarni yaratish hukumat singari Markaziy bankning ham diqqat markazida bo'lib kelmoqda.
Natijada so'nggi yillarda xotin-qizlarning ijtimoiy-iqtisodiy hayotdagi o'rni, tadbirkor ayollarning iqtisodiy jarayonlardagi faolligi tobora oshib bormoqda. Tadbirda ularning o'z salohiyatini namoyon etishi uchun keng imkoniyatlar, qulaylik va shart-sharoitlar yaratilayotgani, ayniqsa, qishloq hududlarida xotin-qizlarni tadbirkorlik faoliyatiga jalb etish orqali ularni ish bilan ta'minlash masalasida banklarning hissasi katta bo'layotgani alohida ta'kidlandi.
Mazkur farmon ijrosini ta'minlash maqsadida Markaziy bank va O'zbekiston xotin-qizlar qo'mitasi hamkorlikda kompleks chora-tadbirlar - xotin-qizlarni ish bilan ta'minlash, ayollar tadbirkorligining barcha shakllarini rivojlantirish, ularni har tomonlama moliyaviy qo'llab-quvvatlash, huquqiy-iqtisodiy bilimlarini oshirish, ayollar rahbarligidagi korxonalarga investitsiyalar jalb etish, xorijiy tajribalar bilan tanishish hamda tijorat banklarining imtiyozli kredit mablag'lari evaziga tadbirkorlik tashabbuslarini qo'llab-quvvatlash borasida katta ishlar amalga oshirildi.
Bugungi kunda yuzlab mahallalar, turarjoy mavzuelarida yangi xizmat ko'rsatish shoxobchalari, non va konditerlik mahsulotlari tayyorlaydigan tsexlar, savdo do'konlari, bolalar maydonchalari, dam olish maskanlari, go'zallik salonlarining barpo etilishi tadbirkor ayollarning kreditlardan samarali foydalanishini isbotlab turibdi.
Bunda banklar tomonidan ijtimoiy ahamiyatga molik biznes rejalarni moliyaviy qo'llab-quvvatlash bo'yicha tashabbuskor ayollar o'rtasida tanlovlar tashkil etish, ularga tadbirkorlikni yo'lga qo'yish va yuritish masalalarida axborot va konsalьting xizmatlarining yo'lga qo'yilishi katta foyda bermoqda.
Joriy “Sog'lom bola yili”da aynan ayollar tadbirkorligi uchun tijorat banklari tomonidan 600 mlrd so'mdan ziyod kreditlar ajratilishi ko'zda tutilgan.
Banklar tomonidan ushbu dastur asosida banklari zamonaviy maishiy texnika vositalarini ishlab chiqarishni oshirish hisobiga ayollarning uy-ro'zg'or ishlarini engillashtirish va ushbu texnikalarni xarid qilish, olis va borish qiyin bo'lgan qishloqlarda go'zallik salonlari, atelьe va maishiy texnika vositalarini ta'mirlaydigan namunaviy asosda maishiy xizmat ko'rsatish komplekslarini barpo etish kabi loyihalarni moliyalashtirish rejalashtirilgan.
Aytish o'rinliki, tijorat banklari ishchilarning 50 foizdan ortig'ini ayollar tashkil etgan kichik tadbirkorlik sub'ektlariga imtiyozli kredit ajratib kelmoqda.
Shu bilan birga, ayollar tadbirkorligini qo'llab-quvvatlashni kengaytirish maqsadida tijorat banklari chet ellik investorlar bilan ham hamkorlikni yo'lga qo'ygani qayd etildi.
Jamg'arma mablag'lari qishloq joylarda ayollar tomonidan boshqarilayotgan, ularning mehnatidan foydalanilayotgan kichik korxonalarni rivojlantirish, qishloq xo'jalik mahsulotlarini etishtirish va qayta ishlashni rag'batlantirish, kasanachilik va yangi ish o'rinlarini yaratishga qaratilgan loyihalarni moliyalashga yo'naltirilmoqda.
Sanoat, qishloq xo'jaligi, xizmat ko'rsatish sohalariga yo'naltirilayotgan kredit mablag'lari evaziga minglab ayollarning biznes g'oyalari ro'yobga chiqmoqda va eng asosiysi joylarda qanchadan-qancha xotin-qizlarga o'z ishini ochib, oilasi, el-yurtimiz uchun foyda keltirish, hayotdan o'z o'rnini topish imkonini bermoqda.
O‘zbekiston Respublikasi Markaziy banki
