17-18-dekabr kunlari poytaxtimizning “Botanika” bogʼida “Oʼzbekiston naslli quyonlar yarmarkasi” boʼlib oʼtmoqda. Tadbirni Oʼzbekiston Respublikasi Veterinariya va chorvachilikni rivojlantirish davlat qoʼmitasi, “Mikrokreditbank” aksiyadorlik tijorat banki hamda Oʼzbekiston Veterinar va chorvadorlar assosiyasi oʼzaro hamkorlikda tashkil etdi. Yarmarkada 20 dan ortiq zotdagi nassli quyonlar namoyish etilmoqda.
Unda soha mutaxassislari quyonchilik bilan shugʼullanuvchi tadbirkorlar bilan suhbatda boʼlishib, kelajakda quyon yetishtirishni koʼpaytirish, uning goʼshti, moʼynasining eksportini yoʼlga qoʼyish hamda eksport operatsiyalari boʼyicha maʼlumot berdilar.
Taʼkidlab oʼtish kerakki, “Mikrokreditbank” АTB respublikamizda quyonchilikni rivojlantirishga masʼul etib belgilanganidan beri ushbu yoʼnalishda sezilarli ishlar amalga oshirildi. Moliya muassasasiga joriy yilda quyonchilik yoʼnalishidagi 56 ta loyihaga umumiy qiymati 317,4 mlrd.soʼm miqdorida mablagʼ yoʼnaltirilgan. Shuning 200,9 mlrd. soʼmi bank kreditidir.
Bugungi kunda mazkur loyihalarningt 54 tasiga 187,3 mlrd.soʼm kredit shartnomalari imzolanib toʼlovlar bosqichma-bosqich amalga oshirilmoqda. Jumladan Toshkent viloyati Quyi-Chirchiq tumanida Italiya texnologiyalari asosida umumiy qiymati 30 mln. yevro boʼlgan (17,0 mln. yevro tashabbuskorning oʼz mablagʼlari, 13 mln. yevro bank krediti) yirik “Quyonchilik va naslchilik agrokompleks” tashkil etilmoqda. Ushbu loyihaga Mikrokreditbank tomonidan mijoz talabiga asosan 6,9 mln.evro kredit mablagʼlari ajratilgan.
Mazkur mablagʼlar naslli quyonlar, quyonlarni intensiv koʼpaytirishga moʼljallangan zamonaviy uskunalar, generator, qushxona kompleksi, qishloq hoʼjaligi va maxsus texnikalar, ozuqa yem mahsulotlari va oʼgʼit ishlab chiqarish uskunalari hamda laboratoriya jihozlari sotib olishga yoʼnaltirilgan.
Umumiy qilib aytganda, bank tomonidan bugungi kunga qadar quyonchilik sohasini rivojlantirishga jami 4 773 ta mijozga 453,6 mlrd.soʼm, shundan 416 ta yuridik shaxslarga 361,3 mlrd.soʼm, 4 357 ta jismoniy shaxslarga 92,3 mlrd.soʼm kredit ajratilgan. Shuningdek joriy yilda 1 705 ta mijozga 208,9 mlrd.soʼm, shundan 66 ta yuridik shaxslarga 168,4 mlrd. soʼm, 1 639 ta jismoniy shaxslarga 40,5 mlrd.soʼm yoʼnaltirilgan.
Bank axborot xizmati
Yana ko‘ring
Bank tizimi islohotlarini jadallashtirish hamda xizmatlar bozori hajmini oshirish mavzusida matbuot anjumani tashkil etiladi
Mikrokreditbankka biriktirilgan mahallalarda mahalla bankiri va yordamchi agentlari tomonidan yanvar-iyun oyida 6,8 mingta plastik karta ochib berildi
Mikrokreditbank tomonidan aholi bandligini taʼminlash va kambagʻallikni qisqartirish boʻyicha amalga oshirilayotgan ishlar
