Kuni kecha Navoiy viloyat Karmana tumani, “Nurafshon” MFY, Nurafshon koʼchasida yashovchi fuqaro Orziev Jamshidning “Elparvar Media” You tube tarmogʼi orqali kelib tushgan videomurojaatini koʼrib chiqib, quyidagilarni maʼlum qilamiz.
Mazkur murojaatda “Mikrokreditbank” АTB Karmana filiali fuqaro J.Orzievni kredit ajratib berish toʼgʼrisida mudom aldab kelishi, taʼmnotchi korxona unga kredit mablagʼlari evaziga yetkazib berilishi lozim boʼlgan naslli chorva mollarini yetkazib bermaganligi haqida gapirgan.
Аniqlanishicha, “Mikrokreditbank” АTB Karmana filiali tomonidan fuqaro Orzievga u bilan tuzilgan 2020-yil 8-iyuldagi 2218-sonli kredit shartnomasiga asosan mayda shoxli chorva mollari sotib olish maqsadida 36 oy maddatga, 6 oy imtiyozli davr, yillik 16 foiz ustama toʼlash sharti bilan 25,0 mln.soʼm miqdorida imtiyozli kredit ajratilgan. Ushbu kreditni ajratish uchun Orziev bankka taʼminotchi korxona “Lochin Baraka tomorqa xizmati” MChJ tomonidan unga mayda shoxli chorva mollari yetkazib berilganligi va u bundan qoniqish hosil qilganligi toʼgʼrnisida “Rozilik xati” taqdim etgan.
Hozirgi kunda fuqaro Orziev tomonidan ushbu kredit toʼlovlari qaytarish grafigida belgilangan muddatlarda toʼlanmasdan kelinganligi, kredit ajratilganidan buyon jami 12 678 000 soʼm toʼlov qilgan boʼlib, oxirgi marta 2021-yil 8-noyabr toʼlagan, natijada muddati oʼtgan jami qarzdorligi 4 215 000 soʼmni tashkil etadi.
Shuningdek, Orzievning turmush oʼrtogʼi Orzieva Shaxnozaga filial tomonidan u bilan tuzilgan 2020-yil 8-iyuldagi 2219-sonli kredit shartnomasiga asosan mayda shoxli chorva mollari sotib olish maqsadida 36 oy maddatga, 6 oy imtiyozli davr, yillik 16 foiz ustama toʼlash sharti bilan 25,0 mln.soʼm miqdorida imtiyozli kredit ajratilgan boʼlib, ushbu kreditni ajratish uchun fuqaro Sh.Orzieva bankka taʼminotchi korxona “Lochin Baraka tomorqa xizmati” MChJ tomonidanunga mayda shoxli chorva mollari yetkazib berilganligi va u bundan qoniqish hosil qilganligi toʼgʼrisida “Rozilik xati” taqdim etgan. Hozirgi kunda fuqaro Orzieva tomonidan ushbu kredit toʼlovlari qaytarish grafigida belgilangan muddatlarda toʼlanmasdan kelinganligi, kredit ajratilganidan buyon jami 554000 soʼm toʼlov qilgan boʼlib, oxirgi marta 2020-yil 30-sentyabrda toʼlagan, natijada muddati oʼtgan jami qarzdorligi 16 521 000 soʼmni tashkil etadi.
Bundan tashqari fuqarolar J.Orziev hamda Sh.Orzieva tomonidan taʼminotchi korxona “Lochin Baraka tomorqa xizmati” MChJga chorva mollarini olganliklari toʼgʼrisida “Tilxat” yozib berilgan. Yuqoridagilardan kelib chiqib, fuqaro Orziev Jamshidning mazkur video murojaatida keltirilgan vajlar oʼz isbotini topmadi.
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
