Andijon shahrida yashovchi fuqaro Olimjonova Dildoraning Facebook ijtimoiy tarmog’idagi “Bloggerlar ittifoqi” guruxiga yozgan murojaati yuzasidan quyidagilarni maʼlum qilamiz.
Murojaatda, fuqaro bankdan olayotgan kreditining 50 foizini naqd pul ko’rinishida olishni so’rgan. 24-mart kuni fuqaro bilan uchrashuv o’tkazilganda, unga bank filialida mavjud kreditlar toʼgʼrisida tushuncha va tavsiyalar berildi.
Xususan, Oʼzbekiston Respublikasi Prezidentining 2021 yil 20 dekabrdagi “Oilaviy tadbirkorlikni rivojlantirish va aholining daromad manbaini kengaytirishga doir qoʼshimcha chora-tadbirlar toʼgʼrisida”gi PQ-55 sonli qarori asosida ajratilayotgan kreditlar taklif qilindi. Ushbu qaror asosida 5 mln.soʼmgacha kredit mablagʼini naqd pul koʼrinishida olish mumkinligi tushuntirilgan.
