Xabaringiz bor, yurtimizda ayollar bandligini taʼminlash, ularning tadbirkorlik faoliyatini qoʼllab-quvvatlash va bu borada duch kelayotgan muammolariga yechim topish davlatimiz siyosatining ajralmas yoʼnalishi hisoblanadi.
“Mikrokreditbank” АTB tomonidan ham ana shunday xotin-qizlarni tizimli qoʼllab-quvvatlash, ayollar tadbirkorligini rivojlantirish borasida muayyan ishlar amalga oshirib kelinmoqda.
Jumladan, 2022-yilning yanvar-aprel oylarida 8 294 nafar xotin-qizlarning tadbirkorlikning turli yoʼnalishdagi loyihalarini moliyalashtirish boʼyicha 191,9 mlrd. soʼm imtiyozli kreditlar ajratildi. Natijada 8 475 nafar ayollarning bandligi taʼminlandi.
Shuningdek, 2022-yilda “Аyollar daftari”ga kiritilgan ishsiz xotin-qizlarning bandligini taʼminlash borasida ham tizimli ishlar amalga oshirilib kelinmoqdaki, bunda oʼtkaziladigan xatlov natijalariga koʼra, navbatdagi bosqichda daftarga kiritilgan, tadbirkorlik istagida boʼlgan xotin-qizlarga imtiyozli kredit mablagʼlari ajratilishida koʼmaklashildi. Va bu kabi ishlar davom ettiriladi.
Yana “Mikrokreditbank” АTB tomonidan hunarmandchilik faoliyatini rivojlantirish boʼyicha ham aholiga keng imkoniyatlar yaratilib kelinmoqda.
Jumladan, oilaviy tadbirkorlikni rivojlantirish dasturlari doirasida joriy yil boshidan bugunga qadar hunarmandchilik loyihalarini moliyalashtirish uchun 8,3 mlrd. soʼm miqdorida imtiyozli kredit mablagʼlari ajratildi.
Eʼtiborlisi, imtiyozli kreditlarning 5,1 mlrd. soʼmi “Hunarmand” uyushmasiga aʼzo boʼlgan 117 nafar hunarmand tadbirkorlarga ajratilgan kreditlar hissasiga toʼgʼri keladi.
Xulosa oʼrnida shuni aytish mumkinki, bu ishlar 2022-yilning yanvar-aprel oylarida amalga oshirilgan boʼlib, “Mikrokreditbank” АTB bu boradagi yanada ulkan loyihalari bilan aholining tadbirkorlik faoliyatiga munosib hissa qoʼshishda davom etadi.
Bank Аxborot xizmati
Yana ko‘ring
MKBANK homiyligida ijtimoiy loyihalar quvvatlanmoqda
Xizmatlarning qulayligi va ommabopligini ta’minlash bilan birga, ijtimoiy loyihalarda ham faol qatnashmoqda.
Bank rahbariyati Buxoro viloyatida aholi hamda tadbirkorlar bilan uchrashuv oʻtkazdi
Mikrokreditbank rahbariyati ishtirokidagi bu kabi tadbirlar boshqa hududlarda ham davom ettmoqda
