Maʼlumki, o‘tgan yili 20-avgustda Prezident Shavkat Mirziyoyev tadbirkorlar bilan ochiq muloqot o‘tkazgan edi. Yurtimizda bunday shakldagi uchrashuv ilk bor o‘tkazilib, unda jami oʼn mingga yaqin tadbirkor ishtirok etgandi.
Ushbu tadbirda Shavkat Mirziyoyev uchrashuv har yili 20-avgustda ochiq muloqot shaklida o‘tkazilishi va markur sanani yurtimizda Tadbirkorlar kuni etib belgilash taklifini bildirgandi.
Davlatimiz rahbarining bu yilgi ochiq muloqoti ham 20-avgust kuni bo‘lib o‘tadi. Uchrashuvda tadbirkorlikni qo‘llab-quvvatlash, tizimli muammolarni bartaraf etish chora-tadbirlari muhokama qilinadi, tadbirkorlarning takliflari eshitiladi.
Ma'lumotlarga ko‘ra, bu yil ham mazkur muloqotga katta tayyorgarlik ko‘rilmoqda. Tadbirkorlardan savol va takliflarni yig‘ish bo‘yicha respublika shtabi hamda “koll-markaz” tashkil etilgan. Unga bugungi kungacha 7 ming 200 dan ortiq taklif va murojaatlar kelib tushgan. Respublika shtabi aʼzolari ularda ko‘tarilgan tizimli va xususiy masalalarni har kuni muhokama qilib bormoqda. Ularning aksariyati joyida hal etilmoqda.
Yurtimizda tadbirkorlik muhitini yanada yaxshilash uchun muhim bo‘lgan mazkur uchrashuvga barcha kichik biznes va xususiy tadbirkorlik subyektlarini faol ishtirok etishga chaqirib qolamiz.
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
