Joriy yilning 6-avgust kuni Samarqand viloyati, Pastdarg‘om tumanidagi “Pastdarg‘om haqiqati” gazetasining 22-sonida “Kasalni yashirsang isitmasi oshkor qiladi” nomli maqola chop etilgan.
Maqolada Pastdarg‘om tuman fuqarosi А.X. “Mikrokreditbank” АTB Juma filiali masʼullari bilan pinhona til biriktirib, bir qancha fuqarolar nomiga kreditlar rasmiylashtirilgani va katta miqdordagi pullarni o‘zlashtirib olganlari iddao qilinmoqda.
Ushbu murojaat bo‘yicha o‘rganish ishlari olib borilganda quyidagilar aniqlandi.
Aslida, Pastdarg‘om tumani, Galatut MFYda yashovchi 18 nafar fuqaro nomiga mikroqarz krediti ajratilmagan. Aksincha, 14 nafar fuqaroga jami 397 mln. so‘m; shundan 12 nafariga 337 mln. so‘m mikroqarz, 2 nafariga esa 60 mln so‘m isteʼmol krediti ajratilgan.
Ushbu 14 nafar fuqaro mikroqarz va isteʼmol kreditlari yig‘ma jildidagi barcha hujjatlarga o‘zlari bankka kelib, shaxsiy imzosini qo‘ygan, barcha kredit hujjatlari mavjud.
Ikki nafar fuqaro (Аbdujabborov Suxrob va Ortiqov Orzu) tomonidan olingan 55 mln. so‘m kredit mablag‘lari bugungi kunda to‘liq so‘ndirilgan.
Bosh prokuratura huzuridagi Iqtisodiy jinoyatlarga qarshi kurashish departamentining Pastdarg‘om tumani bo‘limiga (mijozlar kredit to‘lovini amalga oshirishdan bosh tortayotgani, shuningdek, bank xodimlariga nisbatan har xil uydirma, tuxmat-bo‘xtonlar qilib, bo‘yin tovlaganligi sababli) qonuniy chora ko‘rilishini so‘rab murojaat qilingan. Hozirgi kunda ushbu mijozlarga nisbatdan surishtiruv ishlari olib borilmoqda.
Shuningdek, 12 nafar fuqaroga jami 342 mln. so‘m kredit mablag‘lari ajratilgan bo‘lib, shundan bugungi kunda 237,6 mln so‘m asosiy va 108,4 mln. so‘m foiz; jami 346 mln so‘m muddati o‘tgan kredit qarzdorliklari bankning kredit portifelidagi NPL (qoniqarsiz), yaʼni harakatsiz kreditlar maqomiga o‘tib qolgan. Bu bo‘yicha Fuqarolik ishlari bo‘yicha Pastdarg‘om tumanlararo sudiga daʼvo arizalari kiritilgan, sud qarori ham chiqqan.
Ayni kunlarda kredit mablag‘lari undiruvi bo‘yicha Pastdarg‘om tuman Majburiy ijro bo‘limi bilan hamkorlikda ishlar olib borilayotganligini maʼlum qilamiz.
Bank axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
