Samarqand shahrida boʼlib oʼtayotgan 2-Oʼzbekiston xalqaro iqtisodiy forumining bugungi kun tartibining asosiy tadbirlaridan biri “Mikrokreditbank” va “Accion International” (AQSh) bilan hamkorlikda oʼtkaziladigan panel sessiyasidir.
Ushbu panel sessiya “Xorijiy investitsiyalar ishtirokida yangi mikromoliya kompaniyasini tashkil etish, mikro va kichik korxonalar uchun moliyaviy inklyuzivlikni tashkil etish” mavzusiga bagʼishlangan.
Tadbir davomida “Accion International” kompaniyasi Oʼzbekistonda xorijiy investitsiyalar ishtirokidagi yangi mikromoliya kompaniyasini tashkil etish boʼyicha taqdimot namoyish etdi.
Forumda Osiyo taraqqiyot banki va Xalqaro moliya va korporatsiyasi vakillari ham mehmon sifatida ishtirok etmoqda.
Soʼzga chiquvchilar hamda tadbir mehmonlari oʼz fikrlari, tajribalari va mikromoliya sohasidagi soʼnggi tendentsiyalar bilan oʼrtoqlashdi. Shuningdek, MKBАNK ham ushbu yangi kompaniyada investor sifatida ishtirok etishi koʼzda tutilganligi haqida maʼlumot berildi.
Uchrashuv yakunida xorijiy investitsiyalar ishtirokida tashkil etiladigan yangi mikromoliya kompaniyasi yuzasidan batafsil axborot olish istagidagi forum ishtirokchilari bilan suhbat va uchrashuvlar davom ettirilishi ma’lum qilindi.
Bank axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
