Ijtimoiy tarmoqlarda “"Mikrokreditbank" bank sirini koʼchaga uloqtirishda davom etayotganligi, Qashqadaryo viloyati mintaqaviy filiali tomonidan ajratilgan kreditlarning ayrim yigʼma jildlari bankda mavjud emasligi toʼgʼrisidagi yana bir xabar tarqaldi.
Xabarda aytilishicha, avvalgi holat bu safar ham takrorlangan.
Mazkur holat oʼrganilganda, ayni damda “Mikrokreditbank” АTB Qashqadaryo viloyati mintaqaviy filialida kredit yigʼma jildlarini inventarizatsiyadan oʼtkazish ishlari hali ham davom etayotganligi aniqlandi. Ushbu jarayonda Qashqadaryo viloyati mintaqaviy filialining ayrim kredit yigʼma jildlari bankda mavjud emasligi maʼlum boʼldi.
Аyni damda ushbu holatlar boʼyicha bank maʼsul xodimlari tomonidan tegishli choralar koʼrilayotgan boʼlib, inventarizatsiya tugatilgandan soʼng yuzaga kelgan bu kabi voqea va aniqlangan kamchiliklar boʼyicha bankning maʼsul xodimlariga belgilangan tartibda qonuniy choralar koʼriladi hamda bu haqda yana qoʼshimcha maʼlumot taqdim etiladi.
Shu oʼrinda “Mikrokreditbank” АTB Qashqadaryo viloyati mintaqaviy filiali rahbariyati kredit yigʼma jildlarini oʼzida saqlab turgan fuqaromizdan boshqa fuqarolarga aloqador maʼlumotlarning sir saqlanishini va davlat banki boʼlgan “Mikrokreditbank” АTBning aktivlari butligini taʼminlash maqsadida kredit yigʼma jildlarining bankka qaytarilishini fuqarolik burch deb hisoblab, hujjatlarni qaytarishga amaliy yordam berishini soʼraydi.
Shuningdek, bu kabi holatdan oʼz vaqtida xabardor qilgan ijtimoiy tarmoq kanali muallifining hamkorligini qadrlashimizni taʼkidlamoqchimiz.
Bank Аxborot xizmati
Yana ko‘ring
Dam olish kunlari ham ishlaymiz!
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
