“Mikrokreditbank” ATB bank rahbariyati joriy yilda aholi hamda tadbirkorlar bilan uchrashgan holda ularni moliyaviy qo'llab-quvvatlash va biznes maslahatlar berish tashabbusini boshladi.
Joriy yilning 15-yanvar kuni Buxoro viloyati Qorakoʻl tumanida “Mikrokreditbank” ATB Boshqaruv raisi oʻrinbosari I.Mamadjanov rahbarligida hududdagi aholi va tadbirkorlar bilan uchrashuv tashkil etildi.
Uchrashuvda “Mikrokreditbank” ATB Mahallabay ishlash va xududiy loyihalarni boshqarish departamenti direktori Sanoyev Gʻolib, Qorakoʻl BXM rahbari Jasur Matniyazovlar ham ishtirok etishdi.
Tadbirda hududdagi aholi bandligini taʻminlash, oilaviy tadbirkorlikni rivojlantirish, kichik biznes subyektlarini qoʻllab-quvvatlash va aholining daromadlarini oshirish masalalari atroflicha muhokama qilindi.
Tadbir davomida 15 ta masala muhokama qilindi. Biznes maslahatlar berilib, murojaatlarni ijobiy hal qilish boʻyicha bank masʼullariga tegishli ko‘rsatmalar berildi.
Shuningdek, kichik sanoat zonalari va mahallalardagi loyihalar bo‘yicha aholining tashabbuslarini qoʻllab-quvvatlash yuzasidan kelishib olindi.
Mikrokreditbank rahbariyati ishtirokidagi bu kabi tadbirlar boshqa hududlarda ham davom ettmoqda.
Bank Axborot xizmati
Yana ko‘ring
Buxoroda zamonaviy bog‘dorchilik sari muhim qadam
HOLATGA HUQUQIY BAHO BERILADI
