Joriy yilning 28-mart kuni “ANTIKORRUPSIYA” telegram kanali orqali Qoraqalpogʻiston Respublikasi Qonlikoʻl tumanida Mikrokreditbank bilan klaster korxona oʻrtasida tuzilgan kredit shartnomasiga asosan pul oʻtkazilmayotganligi, natijada esa paxta ekish jarayoni sunʼiy ravishda kechiktirilayotgani yuzasidan murojaat yoʻllangan.
Mazkur holat bank mutaxassislari tomonidan tezkor o‘rganildi va quyidagilarni maʼlum bo‘ldi.
Mikrokreditbank va "AGRO HAMKOR KLASTER" MCHJ oʻrtasida tuzilgan kredit shartnomasiga muvofiq, klaster korxonasi oʻz shartnomaviy majburiyatlarini bajarishi lozim hisoblanadi.
Ammo "AGRO HAMKOR KLASTER" MCHJ tomonidan bankka toʻlov topshiriqnomasi va yakuniy hisob-kitob maʼlumotlari oʻz vaqtida taqdim etilmagan. Natijada, bank mablagʻlarni oʻz vaqtida oʻtkazish imkoniyatiga ega boʻlmagan. Barcha zaruriy hujjatlar taqdim etilgandan soʻng bank tomonidan fermerlarga mablagʻlar oʻtkazib berilgan.
Ushbu murojaat faqatgina bitta fermer xoʻjaligi rahbari tomonidan yoʻllangan boʻlib, uning klaster korxonasi bilan tuzgan shartnomasi kechiktirilgan muddatda amalga oshirilgan. Bu esa shartnoma shartlarining bajarilish muddati ham keyinga surilishini anglatadi.
Shu o‘rinda ta’kidlash kerakki, murojaatda aytilgan paxta tayyorlov punktiga Milliy gvardiya xodimlari joylashtirilgani va paxta xom-ashyosini chiqarishga ruxsat berilmayotgani haqidagi maʼlumotlar haqiqatga mos kelmaydi. Bank Milliy gvardiya xodimlari orqali paxta xom-ashyosini saqlash joyidan chiqarishga zarurat yoʻq deb hisoblaydi.
Taʼkidlash lozimki, bugungi kunda fermer xoʻjaliklari va klaster korxonasi oʻrtasidagi shartnomalar asosida barcha toʻlovlar amalga oshirilgan boʻlib, bu boʻyicha hech qanday muammo mavjud emas.
Bank Axborot xizmati
Yana ko‘ring
Diqqat! MKBANK tizimida texnik ishlar olib borilmoqda!
MKBANK xodimi “MO‘TABAR AYOL” ko‘krak nishoni bilan taqdirlandi!
