Yaqinda ayrim ijtimoiy tarmoq faollari "Mikrokreditbank" АTBning Soliqdan 10 mlrd.so‘m, MIBdan 188,5 mln.so‘m qarzi bo‘lsa-da, markaziy va mahalliy nashrlarga 300 mln.so‘mlik obuna bo‘lganligi xususida tanqidiy materiallarni eʼlon qildi.
Аvvalo, "Mikrokreditbank" АTBning mahalliy va respublikamiz budjetiga to‘lanadigan soliq to‘lovlaridan qarzdorligi yo‘qligini maʼlum qilamiz. Soliq bazasidagi 10 mlrd.so‘mdan ortiq qarzdorlik esa bankning 2022-yilgi faoliyatidan olingan sof foyda hisobidan davlatga to‘lanishi so‘ralgan summa hisobiga toʼgʼri keladi.
Bank tomonidan Yuridik soliq to‘lovchilar bo‘yicha hududlararo davlat soliq inspeksiyasiga 2023-yil 9-avgust sanasi bilan ushbu hisoblangan 10 mlrd. so‘mlik soliq to‘lovini nazoratdan olishni so‘rab xat yuborilgan. Unga ko‘ra, “Аksiyadorlik jamiyatlari va aksiyadorlarning huquqlarini himoya qilish to‘g‘risida”gi O‘zbekiston Respublikasi Qonunining 51-moddasi “Dividentlarni to‘lash tartibi”ga muvofiq, dividentlarni to‘lash muddati va tartibi jamiyatning ustavida yoki aksiyadorlarning umumiy yig‘ilish qarorida belgilanishi ko‘rsatilgan.
2023-yil 27-iyundagi bank Aksiyadorlarining umumiy yig‘ilish qaroriga asosan bankning 2022-yilda olingan jami 21 mlrd.so‘mlik sof foydasining 5 foizini umumiy zaxira fondiga, qolgan 95 foizini esa taqsimlanmagan foydada qoldirish yuzasidan qaror qabul qilingan.
Bundan tashqari, Markaziy bank tomonidan ham bank nazorati qo‘mitasining 2023-yil 6-iyuldagi 526/3-sonli qaroriga asosan, 2022-yil uchun davlatga divident to‘lovlarining to‘lanmasligi ko‘rsatib o‘tilgan.
Majburiy ijro oldidagi qarzdorliklar esa bosqichma-bosqich bartaraf etib borilmoqda. Yaʼni baʼzi sud qarorlari bank tomonidan qayta apellyatsiyaga berilishiga to‘g‘ri keladi.
Endi bankning 2024-yilgi mahalliy va xorijiy nashrlar uchun obunasiga keladigan bo‘lsak, bu bank Bosh ofisi hamda Toshkent shahar Аmaliyot boshqarmalarida mehnat qilayotgan 600 nafarga yaqin xodimlarimiz uchun O‘zbekiston Respublikasining “Xaridlar to‘g‘risida”gi Qonuniga asosan amalga oshirilgan.
Bank Аxborot xizmati
Yana ko‘ring
Metro va avtobusda yanada qulay to‘lov!
Infografika: Murojaatlar bo‘yicha 2025-yil 9 oy uchun ma'lumot
Joriy yilning yanvar-sentabr oylari davomida “Mikrokreditbank” ATBga jami 168 ta murojaat kelib tushgan.
