Qishloq xo‘jaligida samaradorlikni oshirish, aholini ish bilan ta‘minlash va qishloq aholisi daromadini ko‘paytirish maqsadida “Bir kontur – bir mahsulot” tamoyili asosida amalga oshirilayotgan loyihalar mamlakatimizda ijobiy natijalar bermoqda.
Dehqon xo‘jaliklariga ijaraga berilgan 1 747 gektar yer maydonida namunali loyihalarni amalga oshirish uchun “Mikrokreditbank” ATB tomonidan 159 ta agregator tanlab olindi. Ushbu agregatorlar tomonidan joriy yilda mazkur maydonlarda birinchi ekinda poliz va meva-sabzavot ekinlari yetishtirish uchun 4,7 milliard so‘m kreditga talab aniqlanib, dastlabki bosqichlarda 2,2 milliard so‘m imtiyozli kredit ajratildi.
Surxondaryo viloyati Angor tumani “Ilg‘or” mahallasidan yoshlarga ijaraga berilgan 15 gektar yer maydonida karam ekildi. Ekin yetishtirish “Rizq Baraka Kayran” korxonasi va yer egalari o‘rtasida fьyuchers shartnomalari asosida amalga oshirilmoqda. Dastlabki hisob-kitoblarga ko‘ra, har bir yosh yillik 50 million so‘m atrofida daromad olishi rejalashtirilgan.
Shuningdek, “Super loyiha” doirasida “etishtirish – qayta ishlash – sotish” zanjirini yaratish maqsadida 6 ta viloyatdagi 232 nafar fuqaroga ijaraga berilgan 100,4 gektar yer maydonida 7 ta namunaviy loyiha shakllantirilib, tegishli texnik-iqtisodiy asoslar ishlab chiqildi va tuman hokimliklari tomonidan tasdiqlandi.
Buxoro viloyati Peshku tumani “Sadir” mahalla fuqarolar yig‘inida 50 nafar fuqaroga (20 sotixdan) ijaraga berilgan 10 gektar yer maydonida 1,5 milliard so‘m imtiyozli kredit hisobiga issiqxona tashkil etildi. “Nodirabegim Shaxzodbek Shoxijaxon” agregator korxonasi boshchiligida pomidor mahsuloti ekildi. Har bir kooperativ a'zosi yillik 70–80 million so‘m miqdorida daromad olishi kutilmoqda.
Hozirga qadar 6 ta loyiha bo‘yicha 84,4 gektar yer maydonida Buxoro viloyati Peshku tumanida pomidor, Romitan tumanida baqlajon, Namangan viloyati Pop tumanida tarvuz, Samarqand viloyati Narpay tumanida sabzi hamda Surxondaryo viloyati Angor tumanida qovun va tarvuz ekinlari ekilib, ayni paytda hosil yig‘ilmoqda. Qolgan 1 ta loyiha bo‘yicha Toshkent viloyati Oqqo‘rg‘on tumanidagi 15 gektar yer maydonida iyulь oyida loviya ekish to‘liq ta'minlanadi.
“Mikrokreditbank” tomonidan tadbirkorlikni qo‘llab-quvvatlash, yangi ish o‘rinlari yaratish va aholini arzon qishloq xo‘jaligi mahsulotlari bilan ta'minlashga qaratilgan ishlar izchil davom ettiriladi.
Bank axborot xizmati.
Yana ko‘ring
TADBIRKORLAR VA AHOLI BILAN UCHRASHUV O‘TKAZILMOQDA
Buxoroda zamonaviy bog‘dorchilik sari muhim qadam
