“Mikrokreditbank” ATB Boshqaruv raisi oʻrinbosari Shaxlo Ibragimova Buxoro viloyatiga xizmat safari davomida Qorako‘l tumanida boʻlib, Jigʻachi mahallasining istiqbolli tashabbuslaridan biri – “Hasanobod shifo bol” fermer xoʻjaligining kooperatsiya asosidagi loyihasi bilan tanishdi. Mazkur tashabbus doirasida aholi xonadonlariga asalari uyalari tarqatilib, ular orqali bandlik va daromad manbai yaratilayotgani diqqatga sazovor.
Fermer xoʻjalik rahbari Gʻayrat Iskandarov ushbu loyihani 2024-yilda Mikrokreditbankning 680 million soʻmlik krediti yordamida boshlagan. Joriy yilda bank tomonidan yana 300 million soʻmlik kredit ajratilib, loyiha doirasida 20 ta kam taʼminlangan oilaga asalarilar uyalari tarqatildi. Fermerning aytishicha, umumiy hisobda 100 ta oilani qamrab olish koʻzda tutilgan.
Ta’kidlash kerakki, bugungi kunda asal yetishtirgan oilalarning mahsulotlari fermer xoʻjaligi tomonidan sotib olinib, qadoqlanadi va ichki bozorga chiqariladi.
Shuningdek, Shaxlo Ibragimova mahallada asalarilarni parvarishlayotgan xotin-qizlar bilan ham muloqot qildi. Ular oʻz faoliyati haqida soʻzlarkan, bunday loyihalar orqali oila budjetiga hissa qoʻshayotganini quvonch bilan taʼkidlashdi.
Asalarichilik koʻp mehnat va masʼuliyat talab qilsa-da, uni oila sharoitida amalga oshirish mumkinligi bois, xotin-qizlar uchun juda qulay. Ushbu loyihalar ularning tadbirkorlik salohiyatini rivojlantirish, oʻz ishini tashkil qilish va moliyaviy mustaqillikka erishishida muhim qadam hisoblanadi.
Bank Axborot xizmati
Yana ko‘ring
MKBANKda “Ommaviy diktant” tanlovi tashkil etildi
Bank jamoasi diktant yozishni yoshlik va maktab davrlarini eslatuvchi begʻubor damlarga qiyoslashdi.
Shavkat Mirziyoyev “Quva Agrostar” korxonasi faoliyati bilan tanishdi
Bu haqida davlatimiz rahbariga "Mikrokreditbank" ATB Boshqaruv raisi O.Butayev batafsil ma'lumot berdi.
Pul yuborish va qabul qilish endi yanada oson — MKBANK va PayPorter bilan
PayPorter orqali siz dunyoning 200dan ortiq mamlakatiga tezkor xalqaro pul o‘tkazmalarini amalga oshirishingiz mumkin.
