O‘zbekiston Respublikasi Prezidentining “Dehqon xo‘jaliklari tashkil etishni qo‘llab-quvvatlash orqali aholi daromadlarini oshirish bo‘yicha qo‘shimcha chora-tadbirlar to‘g‘risida”gi hamda “Meva-sabzavotchilik va uzumchilikda oilaviy tadbirkorlikni rivojlantirish, qishloq xo‘jaligi ishlab chiqarishida dehqon xo‘jaliklari ulushini oshirish chora-tadbirlari to‘g‘risida”gi qarorlari ijrosini ta’minlash maqsadida aniq vazifalar belgilangan. Mazkur huquqiy hujjatlar asosida hududlardagi suvli, unumdor yer maydonlaridan 50 sotixdan bir gektargacha yerlarning ishsiz fuqarolarga uzoq yillik ijara asosida berilishi orqali qishloq xo‘jaligi ekinlari yetishtirib, aholi bandligini ta’minlash va ularning daromadlarini oshirishga erishilmoqda.
Albatta, dehqonlarning hosil yetishtirishdagi xarajatlarini qoplashida “Mikrokreditbank” ATB ham faol ishtirok etmoqda. Misol uchun, Samarqand viloyati Narpay tumani Chorvoq mahallasidagi 294-konturda 30 nafar yoshga 33 sotixdan ajratilgan yer maydonida loviya mahsuloti ekildi. Agregator va kooperativ a’zolari o‘rtasida fyuchers shartnomalari imzolatildi. Dastlabki hisob-kitoblar natijasida bir kooperativ a’zosi 2 takroriy ekindan 80 mln so‘m daromad olishi rejalashtirilgan.
Amalga oshirilgan ishlar natijasida 2 888 nafar kooperativ a’zolari 1 va 2 ekindan olinadigan daromadlari 70 mln. so‘mdan va sof daromadlari 50 mln. so‘mdan yuqori bo‘lishi rejalashtirilgan.
Ta’kidlash o‘rinliki, dehqon xo‘jaliklariga ijaraga berilgan 100 dan ortiq konturdagi 880 gektar yer maydonlarida “Bir kontur, bir mahsulot” tamoyili asosida namunali loyihalarni amalga oshirish uchun 77 ta agregatorlar tanlab olindi.
Agregatorlar tomonidan birinchi ekinda 78 ta mahallaga 855 gektar yer maydoniga “Bir kontur, bir mahsulot” tamoyili asosida poliz va meva-sabzavot ekinlari ekildi. Agregatorlarga bank tomonidan 2,9 mlrd so‘m imtiyozli kreditlar ajratildi. Ushbu agregatorlarga 2 973 nafar kishi kooperatsiya a’zosi sifatida biriktirildi.
Kooperativ a’zolari tomonidan yuqori daromadli va eksportbop (qishki qovun-tarvuz, gulkaram, qizil lavlagi, loviya va sabzi-sholg‘om) mahsulotlari ekilmoqda. Hozirga qadar 70 dan ortiq agregatorlar tomonidan konturlarda kooperativ a’zolari bilan birgalikda ekinlar ekildi.
“Bir kontur – bir mahsulot” tamoyili asosida qishloq xo‘jalik mahsulotlarini yetishtirish namunali loyihasini amalga oshirish bo‘yicha davlatimiz rahbarining tegishli qarorlariga asosan 2022-2024-yillarda aholiga ijaraga ajratilgan yer maydonlaridan samarali foydalanish, ularning daromadlarini oshirish va yuqori daromadli, eksportbop mahsulotlar yetishtirish bo‘yicha amaliy ishlar davom etmoqda.
Bank axborot xizmati
Yana ko‘ring
Andijonda mahalla agentlari uchun navbatdagi o‘quv seminari tashkil etildi
MKBANK bilan PayPorterdan tezkor pul oʻtkazmalari!
