Yurtimizda korrupsiyaga qarshi kurashish, jamiyatda adolat va ochiqlikni taʼminlash borasida bosqichma-bosqich tizimli islohotlar amalga oshirilmoqda.
Xususan Oʻzbekiston Respublikasi Prezidenti tomonidan bu sohaga doir qabul qilinayotgan farmon va qarorlar ushbu yoʻnalishdagi ishlarni yanada kuchaytirish, tartib-intizomni mustahkamlash hamda fuqarolarning huquq va erkinliklarini kafolatlashga xizmat qilmoqda.
Shuni inobatga olib, “Mikrokreditbank” ATB Boshqaruv raisining 2025-yil 30-sentabrdagi F-50-sonli farmoyishiga asosan, “Mikrokreditbank”da har oyning ikkinchi chorshanbasi “Korrupsiyaga qarshi kurash kuni” sifatida belgilandi.
Bu xodimlar oʻrtasida korrupsiyaga qarshi kurashishga oid qonunchilik va bankning ichki meʼyoriy hujjatlarini oʻrganish orqali bilim hamda masʼuliyatni yanada oshirish, korrupsion holatlarning oldini olishga qaratilgan profilaktik tadbirlarni tizimli yoʻlga qoʻyish maqsadida amalga oshirilmoqda.
Ushbu kun doirasida amaldagi milliy va xalqaro qonunchilik yuzasidan tahlillar, seminar-treninglar, korrupsiyaga oid mavjud xatarlarni bartaraf etish boʻyicha ochiq muloqotlar, bankda halollik, masʼuliyat va shaffoflikni taʼminlashga qaratilgan maʼrifiy tadbirlar oʻtkazilishi rejalashtirilgan.
Korrupsiya - rivojlanishga toʻsiq. Uni yengish - faqat qonun bilan emas, balki ong va vijdon bilan ham amalga oshiriladi!
Barcha xodimlarni “Korrupsiyaga qarshi kurash kuni”da faol qatnashish, shaxsiy masʼuliyatini his etish, bank va jamiyat manfaatlarini birinchi oʻringa qoʻyishga chaqirib qolamiz!
Yana ko‘ring
MAVRID TEZDA: xalqaro pul o‘tkazmalarini Mavrid orqali amalga oshiring
O‘z biznesingizni boshlash uchun 30 mln so‘mgacha!
