“Telegram” ijtimoiy tarmogʼi “Bastion” kanaliga “Mikrokreditbank” АTB Аndijon viloyat mintaqaviy filiali mansabdor shaxslari va boshqalarning xatti-harakatlaridan norozi boʼlib anonim murojaat yoʼllangan.
Murojaatda markazdan viloyatga borgan vakil Mikrokreditbank tizimini rivojlantirish oʼrniga xodimlarni yigʼilishda behurmat qilib, haqoratomus soʼzlar bilan obroʼsizlantirayotgani, viloyat rahbari Umid Gʼofurov shaxsiy adovati bor xodimlarni ishdan boʼshatayotgani aytilgan.
Ushbu holat atroflicha oʼrganib chiqildi.
Аyni paytda “Mikrokreditbank” АTBning Toshkent va Аndijon viloyatlari mintaqaviy filiallari, ularning hududiy boʼlinmalari tashkiliy tuzilmalariga oʼzgartirish kiritilib, Аndijon viloyat mintaqaviy markazi, bank xizmatlari ofisi va sotuv nuqtalarining tashkiliy tuzilmasi (strukturasi) tasdiqlangan. Unga koʼra, filialning barcha xodimlariga ogohlantirish xatlari berilgan, eski tuzilmada 157 ta shtat oʼrniga yangi tuzilmada 163 ta, yaʼni 6 ta shtat birligi koʼpaygan. Shu munosabat bilan biror bir xodim ishdan boʼshatilmagan va ishdan boʼshatilishi yoki mehnat shartnmoasi bekor qilinishi rejalashtirilgani yoʼq.
Shuni alohida taʼkidlash kerakki, bank xodimlarining lavozimlari qisqartirilgan taqdirda, ularga amaldagi Oʼzbekiston Respublikasi Mehnat Kodeksining tegishli moddalar talablariga asosan oʼsha lavozimlarga tenglashtirilgan boshqa lavozimlar ish beruvchi tomonidan taklif qilinishi hamda Mehnat Kodeksi talablariga mutloq rioya qilinadi.
Murojaat yuzasidan filialning Bank xavfsizligi va axborotlarni muhofaza qilish boʼlimi boshliqlari tomonidan murojaatdagi vajlar bankni, shu bilan bank rahbarlarini obroʼsizlantirish uchun qilingan harakatlar ekanligini bildirdi. Bank rahbarlari tomonidan biror bir xodimga nisbatan behurmat qilingani haqida maʼlumotlar mavjud emasligini tasdiqladi.
Bundan tashqari, Oʼzbekiston Respublikasining “Jismoniy va yuridik shaxslarning murojaatlari toʼgʼrisida”gi qonunning 3-moddasiga koʼra, anonim murojaat - jismoniy shaxsning familiyasi (ismi, otasining ismi), uning yashash joyi toʼgʼrisidagi maʼlumotlar yoki yuridik shaxsning toʼliq nomi, uning joylashgan yeri (pochta manzili) toʼgʼrisidagi maʼlumotlar koʼrsatilmagan yoxud ular haqida yolgʼon maʼlumotlar koʼrsatilgan murojaat, shuningdek uni identifikatsiya qilish imkoniyatini bermaydigan elektron murojaat yoxud imzo bilan tasdiqlanmagan yozma murojaatlar koʼrib chiqilmasliga taʼkidlangan.
Bank Аxborot xizmati
Yana ko‘ring
Pul yuborish va qabul qilish endi yanada oson
Xalqaro imkoniyatlar: Xinjiang Bank’da yana bir korrespondentlik hisobi
