Rivojlangan davlatlarda g'isht o'rniga energiya tejamkor gazobetondan foydalanish keng ommalashgan bo'lib, mamlakatimizda ham ushbu qurilish materiallarini ishlab chiqarishni keng yo'lga qo'yish, bu yo'nalishda jahon tajribasini qo'llashga alohida e'tibor berib kelinmoqda.
Xususan, Sirdaryo viloyati Sirdaryo tumani S.Raximov SIU, Chig‘atoy qo‘rg‘onida Yevropa texnologiyalari asosida bunyod etilgan “EURASIA GAZ BETON” MCHJ ham ana shunday korxonalardandir.
Zavodning yillik ishlab chiqarish quvvati 432 ming metr kub bo'lib, loyihaning maqsadi, yurtimizda gazobeton mahsulotlari ishlab chiqarish kompleksini tashkil qilishdir.
Loyihaning umumiy qiymati 28,9 mln AQSH dollarini tashkil etsa, shundan 15,4 mln Yevro va 928 ming AQSH dollari Mikrokreditbank tomonidan ajratilgan kredit summasiga to‘g‘ri keladi.
Korxonada ayni damda 150 ta yangi ish o‘rinlari yaratilgan bo‘lib, zavod oʻziga xos garizontal kesish texnologiyasi asosida tashkil etilgan.
Ma'lumot uchun, gazobeton — g'ovak (teshik-teshik) betonning bir turi bo'lib, zamonaviy qurilish materiali hisoblanadi. Uni ba'zan “sun'iy tosh” deb ham atashadi. Oddiy betondan farqli, tarkibida 1-3 millimetrli pufaklar mavjud bo'lib, ular tufayli beton yengil, yetarli darajada mustahkam, issiq va sovuqdan yaxshi himoyalash xususiyatlariga ega bo'ladi. Shuningdek, tabiiy gazni 8 marta kam sarflashi, energiya tejamkorligi va eng asosiysi, unumdor tuproqning ishlatilmasligi bilan pishiq g'ishtdan bir necha marotaba afzal.
1 metr kub g'isht 1800-2000 kilogramm og'irlikka ega bo'lsa, shu hajmdagi gazobetonning og'irligi atigi 500-700 kilogramni tashkil etadi.
Bank Axborot xizmati
Yana ko‘ring
Brifing: 2025- yilda amalga oshirilgan ishlar va 2026- yilgi rejalar xususida
MKBANkning Xorazm viloyat hududiy boshqarmasi Markaziy bank tomonidan taqdirlandi
Ushbu yutuq va e’tirof jamoamizning masʼuliyatli hamda samarali mehnatining yaqqol ifodasidir.
