Bugun Telegram tarmog‘idagi «XAQIQAT QAYERDA???» kanali orqali fuqaro A.А.ning murojaati e’lon qilindi. Unga ko‘ra, mijoz o‘z nomiga kredit mablag‘i olayotganda, bank xodimlari tomonidan daromadga ega jismoniy shaxs kafilligi so‘ralgan va fuqaro bundan noroziligini bildirgan.
Mazkur holat yuzasidan o‘rganishlar natijasida quyidagilar aniqlandi.
Haqiqatan ham, “Oilaviy tadbirkorlikni rivojlantirish yagona elektron platformasi” (yaʼni oilakredit.uz) orqali To‘rtko‘l tumani, “Navruz” MFYda yashovchi fuqaro A.А. tomonidan “mototransport” vositasini sotib olish uchun elektron ariza qoldirilgan. Bugungi kunga qadar fuqaro tomonidan ko‘rsatilayotgan harakatsizlik sababli kredit ajratish kechikib kelmoqda. Bank xodimlari tomonidan fuqaroga holat yuzasidan tushuntirish olib borildi.
Qayd etib o‘tish joizki, bugungi kunda Qoraqalpog‘iston Respublikasi filiallari tomonidan jismoniy shaxslarga ajratilayotgan imtiyozli kreditlarga uchinchi shaxs kafilligi talab qilish holatlari aniqlanmagan. Bu kabi holat aniqlangan taqdirda, bank xodimlariga nizom talablarga asosan tegishli tartibda chora ko‘rilishini maʼlum qilamiz.
Bank Axborot xizmati
Yana ko‘ring
Pul yuborish va qabul qilish endi yanada oson
Izboskan tumanidagi holat bo'yicha rasmiy munosabat
