Bankimiz tomonidan ishlab chiqilgan Mavrid mobil ilovasi ijtimoiy tarmoqlarda “Tenge Bank” boshqaruv raisi oʻrinbosari Ulugʻbek Tavakkalov tomonidan Tenge24 mobil ilovasi bilan bir xil, ya’ni 1ga1 koʻchirilgani haqida postlari joylandi. (https://www.facebook.com/tavakkalov).
Avvalo, shuni ta’kidlamoqchimizki, Mavrid va Tenge24 mobil ilovalarining ishlab chiquvchisi ushbu sohada yetarli tajribaga ega "TUNE consulting" kompaniyasi hisoblanadi. Ushbu kompaniya yurtimizdagi bank mobil ilovalarini ishlab chiqib, muvaffaqiyatga erishib kelayotgan mahalliy korxonadir.
Mazkur kompaniya mobil ilovalarda oʻzlari tomonidan ishlab chiqilgan dizayn va yechimlarni buyurtmachi tomonidan tasdiqlangan namunalar asosida amalga oshiradi. Shuning uchun bank mobil ilovalari dizaynlari elementlarida ba’zi oʻxshashliklar boʻlishi mumkin, lekin bu elementlarni qoʻllash u yoki bu brendni oʻzida takrorlamaydi.
Mavrid ilovasi ham tasdiqlangan dizayn hamda korporativ brendbuk ranglari asosida yaratilgan boʻlib, Tenge24 ilovasida ishlatilgan dizayn elementlari namuna sifatida olinmagan. Shuningdek, ilovaning ishlash jarayonlari, funksiyalari, arixitekturasi, servislar bilan integratsiyalarida boshqa yechimlar qoʻllanilgan. Ya’ni kamsonli tizimlar qatorida bevosita BPM (Biznes jarayonlarini boshqarish) tizimi bilan bogʻlangan. Bu esa ilovaning funksionalligini oshirgan. Ushbu fikrlarimizni sohadagi mutaxassislar ham tasdiqlaydi.
Qolaversa, Mavrid ilovasidagi funksionallik bevosita Tenge Bank ilovasidagi funksionallikdan farqlanadi. Misol uchun, Mavrid ilovasida masofadan turib, plastik kartaga buyurtma berish, buyurtma holatini kuzatish imkoniyatlari yaratilgan. Kelajakda BPM tizimi imkoniyatlaridan foydalangan holda mijozlarga qulaylik yaratish maqsadida koʻpgina bank mahsulotlaridan onlayn foydalanish imkoniyatlarini yaratish ko‘zda tutilgan.
Bir soʻz bilan aytganda, Ulugʻbek Tavakkalovning iddaosi haqiqatga mos emas. Qolaversa, 13-aprel kuni ishga tushirilgan Mavrid ilovasi mijozlar tomonidan bildirilgan takliflardan kelib chiqib, doimiy takomillashtirilib borilishini ma’lum qilamiz.
Bank axborot xizmati
Yana ko‘ring
Bayramda ish tartibimiz!
Dam olish kunlarida "MAVRID" ilovasidan 24/7 rejimda masofadan turib foydalanishingiz va barcha to‘lovlarni amalga oshirishingiz mumkin!
MKBANK PAYSEND xalqaro pul o‘tkazmasi bilan hamkorlikni yo‘lga qo‘ymoqda
