Ijtimoiy tarmoqlarda fuqaro Ilhom Baraкаyevning bank tomonidan ish haqidan mablag‘lar asossiz ravishda yechib olinayotgani hamda bankning sobiq xodimiga oid murojaati yuzasidan xabarlar tarqaldi.
Mazkur murojaatda keltirilgan holatlar “Mikrokreditbank” ATB mutaxasislari tomonidan o‘rganib chiqildi.
Ta’kidlash lozimki, murojaatda keltirilgan e’tirozlar o‘rinli bo‘lib, mijoz arizasiga binoan 2026-yil 22-iyulda tuzilgan dalolatnomaga asosan bankning sobiq xodimi kredit ajtarishda qoidalarni buzganligi o‘z isbotini topgan. Shundan so‘ng, ushbu holatga huquqiy baho berish uchun tegishli hujjatlar va ma’lumotlar 2026-yil 23-iyulda viloyat prokuraturasiga yuborilgan.
Bank tomonidan masalaga qonunchilik talablari asosida xolis va huquqiy baho berilishi uchun barcha zarur ma’lumotlar taqdim etilmoqda.
“Mikrokreditbank” ATB tizimida fuqarolarning murojaatlari va qonuniy huquq hamda manfaatlarini ta’minlash masalasiga alohida e’tibor qaratadi. Mazkur holat bo‘yicha vakolatli organlar tomonidan o‘tkazilayotgan o‘rganish yakunlari asosida qonunchilikda belgilangan tartibda tegishli choralar ko‘riladi.
Bank Axborot xizmati
Yana ko‘ring
MAVRID TEZDA: xalqaro pul o‘tkazmalarini Mavrid orqali amalga oshiring
O‘z biznesingizni boshlash uchun 30 mln so‘mgacha!
