Bugun "Mikrokreditbank" ATB Boshqaruv raisi hamda o‘rinbosarlari tomonidan Sirdaryo, Navoiy, Qashqadaryo, Toshkent viloyatlari hamda Qoraqalpog‘iston Respublikasida faoliyat yuritayotgan tadbirkorlari bilan ochiq muloqotlar o‘tkazildi.
Uchrashuvlarda 300 nafarga yaqin tadbirkor ishtirok etdi.
Muloqot davomida:
Bank tomonidan taqdim etilayotgan yangilangan moliyaviy xizmatlar va kredit mahsulotlari haqida to‘liq ma’lumot berildi;
Kichik biznesni rivojlantirishga qaratilgan imtiyozli dasturlar tanishtirildi;
Tadbirkorlar o‘z faoliyatida duch kelayotgan 100 dan ortiq muammolar va takliflarini bildirdi;
Har bir murojaat bo‘yicha amaliy yechimlar ishlab chiqildi va bajarilishi bo‘yicha nazorat mexanizmlari belgilandi.
Bu kabi tadbirlar mahalliy tadbirkorlikni qo‘llab-quvvatlash va yangi ish o‘rinlari yaratishga, hududlarda iqtisodiy faollikni oshirishga xizmat qilmoqda.
Bank Axborot xizmati
Yana ko‘ring
Diqqat! MKBANK tizimida texnik ishlar olib borilmoqda!
MKBANK xodimi “MO‘TABAR AYOL” ko‘krak nishoni bilan taqdirlandi!
