Bugun MKBANKda 9-may — Xotira va qadrlash kuni munosabati bilan madaniy-maʼrifiy tadbir oʻtkazildi.
Erta tongdan bank xodimlari orasida “Burch, jasorat, matonat!” shiori ostida sharaf lentalarini taqish chellenji tashkil etildi.
Undan soʻng Mudofaa vazirligi Faxriylar kengashi aʼzolari, isteʼfodagi polkovnik, harbiy fanlar boʻyicha falsafa doktori, dosent Qudrat Xudoyberganov hamda isteʼfodagi polkovnik Mamasobir Ismatovlar ishtirokida davra suhbati bo‘lib o‘tdi. Tadbirda Boshqaruv raisi o‘rinbosari I.Djumaniyazov, bank xodimlari va yoshlar ishtirok etdi.
Davra suhbatida mustaqil Oʻzbekistonni qahramona himoya qilgan, uning erkinligi, mustaqilligi va xalqimizning tinchligi uchun kurashgan vatandoshlar xotirasi yod etildi. Shuningdek, bu kunning tarixi, nega Xotira va qadrlash kuni deb atalishi haqida, O‘zbekiston armiyasining yutuqlari borasida so‘z bordi.
Xotira va qadrlash kuni chinakam milliy-umumxalq bayramidir. Xalq xotirasi va insonni qadrlash insoniylik burchimiz ekanligi ta’kidlandi.
Xotira va qadrlash – bu faqatgina bir kunlik ehtirom emas. Bu oʻtganlarni unutmaslik, tirik faxriylarimizni eʼzozlash, yosh avlodni milliy qadriyatlar va tarixiy xotira asosida tarbiyalash demakdir.
Bank Axborot xizmati
Yana ko‘ring
Bayram kunlaridagi MKBANKning ish tartibi
