Bugun “Mikrokreditbank” ATB Bosh ofisida “Taraqqiyot strategiyasi” markazi bilan hamkorlikda “Oʻzbekiston – 2030” strategiyasida belgilangan keng koʻlamli islohotlarning mazmun-mohiyati targʻibotiga bagʻishlangan tadbir boʻlib oʻtdi.
Bank Boshqaruvi aʼzolari, departament direktorlari hamda hududiy boshqarmalar xodimlari ishtirok etgan tadbirda markaz boʻlim boshligʻi Avazbek Xolbekov hamda mutaxassisi Iskandar Oʻroqboyev “Oʻzbekiston – 2030” strategiyasi haqida atroflicha ma'lumot berishdi.
Jumladan, strategiyada belgilangan vazifalarni joriy yilda samarali amalga oshirish, xalqimizning kundalik hayotida ijobiy oʻzgarishlarga erishish boʻyicha tizimli harakatlarni izchil davom ettirish, “yashil iqtisodiyot” tamoyillariga asoslangan yuqori iqtisodiy oʻsish surʼatlarini taʼminlash, ekologik holatni yaxshilash, suv va boshqa tabiiy resurslardan unumli foydalanish standartlarini keng joriy qilish hamda xalq manfaatlariga yoʻnaltirilgan boshqaruv tizimini yanada takomillashtirish borasida amalga oshirilayotgan ishlar haqida batafsil maʼlumot berishdi.
Tadbir soʻngida bank xodimlari mavzu yuzasidan oʻz savollariga mutaxassislardan javob olishdi.
Bank Axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
