Oʻzbekiston Respublikasi Mustaqilligining 34 yilligi munosabati bilan Mikrokreditbank Bosh ofisida Oʻzbekiston Yozuvchilar uyushmasi raisi, Oʻzbekiston xalq shoiri Sirojiddin Sayyid ishtirokida tadbir tashkil etildi.
“Vatan uchun, millat uchun, xalq uchun!” shiori ostida oʻtkazilgan mazkur uchrashuvda Bank rahbariyati va xodimlari ishtirok etdi.
Tadbir avvalida Bank jamoasi shoirni Mustaqillik bayrami arafasida davlatimiz rahbari tomonidan eʼtirof etilib, sevimli shoirimizga “El-yurt hurmati” ordeni taqdim etilgani bilan samimiy qutladi.
Shundan so‘ng shoir bank xodimlari bilan Vatan madhi, istiqlol shukronasi, bolaligi, ijodiy izlanishlari, xotiralari va ilhom manbalari haqida samimiy suhbat qurdi.
Tadbir davomida shoir o‘z sh’erlaridan o‘qib berarkan, ijodkorning sheʼrlari orqali ona yurtga boʻlgan beqiyos muhabbat va sadoqat yorqin ifoda etilganini, har bir misrada Vatan qiyofasi va qudrati aks etganini yana bir bor his etish mumkin edi.
Shoirning sheʼrlari, xotiralari va samimiy mulohazalari xodimlar maʼnaviy dunyosini boyitish, ularni yangi ijodiy gʻoyalarga ilhomlantirishda muhim ahamiyat kasb etadi.
Sirojiddin Sayyid — oʻzbek adabiyotining yetakchi vakillaridan biri. U 1999-yilda “Doʻstlik” ordeni, 2006-yilda “Oʻzbekiston xalq shoiri” unvoni, 2021-yilda “Mehnat shuhrati” ordenlari bilan taqdirlangan. Mustaqillik bayrami arafasida esa uning ijodi yana bir bor davlatimiz rahbari tomonidan eʼtirof etilib, sevimli shoirimizga “El-yurt hurmati” ordeni taqdim etildi.
Bank Axborot xizmati
Yana ko‘ring
MAVRID TEZDA: xalqaro pul o‘tkazmalarini Mavrid orqali amalga oshiring
O‘z biznesingizni boshlash uchun 30 mln so‘mgacha!
